കോഴിക്കോട് : ചൂലാംവയലില്‍ കെഎസ്‌ആര്‍ടിസി ബസ് ഓട്ടോയിലും ഗുഡ്‌സിലും ഇടിച്ച് മറിഞ്ഞു. അപകടത്തില്‍ നിരവധി പേര്‍ക്ക് പരിക്കേറ്റു. വയനാട്ടില്‍ നിന്ന് കോഴിക്കോട്ടേക്ക് പോവുകയായിരുന്ന ബസ് നിയന്ത്രണം വിട്ട് രണ്ട് വാഹനങ്ങളിലും ഇടിക്കുകയായിരുന്നു. ഉച്ചയ്ക്ക് മൂന്ന് മണിയോടെയായിരുന്നു സംഭവം.
Also read: കണ്ണൂരില്‍ വീടിന്‍റെ മേൽക്കൂര തകർന്നുവീണ് 60കാരി മരിച്ചു
പരിക്കേറ്റ ഏഴ് പേരെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. മറ്റുള്ളവരുടെ പരിക്ക് ഗുരുതരമല്ല. കനത്ത മഴയ്ക്കിടെയായിരുന്നു അപകടം. ഇറക്കത്തില്‍ നിന്ന് ബസ് നിയന്ത്രണം വിട്ട് ഗുഡ്‌സിലും പിന്നീട് ഓട്ടോ ടാക്‌സിയിലും ഇടിക്കുകയായിരുന്നുവെന്നാണ് നിഗമനം.
