കോട്ടയം: പെട്രോൾ ഉല്‍പ്പന്നങ്ങളുടെ ജിഎസ്‌ടി ഒഴിവാക്കണമെന്നും ഓട്ടോ, ടാക്‌സി, ബസ് യാത്ര നിരക്ക് വർധിപ്പിയ്ക്കണമെന്നും ആവശ്യപ്പെട്ട് ബിഎംഎസ് പ്രവർത്തകർ വാഹനം കെട്ടിവലിച്ചു സമരം നടത്തി. കോട്ടയം കലക്‌ടറേറ്റിലേക്കാണ് ലോറിയും കാറും കെട്ടിവലിച്ച് തൊഴിലാളികൾ മാർച്ച് നടത്തിയത്.
പെട്രോള്‍ ഉല്‍പ്പന്നങ്ങളുടെ നികുതി ഒഴിവാക്കണം: വാഹനം കെട്ടിവലിച്ച് പ്രതിഷേധം
കോട്ടയം ഗാന്ധി സ്ക്വയറിൽ നിന്നാരംഭിച്ച സമരം സംസ്ഥാന വൈസ് പ്രസിഡന്‍റ് എം.പി ചന്ദ്രശേഖരൻ ഉദ്ഘാടനം ചെയ്‌തു. കൊവിഡ് കാലത്ത് എല്ലാ വാഹനങ്ങളുടേയും നികുതി ഒഴിവാക്കാൻ സർക്കാർ തയാറാകണമെന്നും അദ്ദേഹം ആവശ്യപ്പെട്ടു.
