കോട്ടയം: മുളക്കുളം കാരിക്കോട് വളർത്തുനായയെ ചത്ത നിലയിൽ കണ്ടെത്തിയ സംഭവത്തിൽ കേസെടുത്ത് പൊലീസ്. ടോബി എന്ന നായയുടെ ഉടമസ്ഥരായ ശ്രീലക്ഷ്‌മി, സന്തോഷ് കുമാർ എന്നിവർ നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തത്. പരാതിയെത്തുടർന്ന് നായയുടെ ജഡം പോസ്റ്റ്‌മോർട്ടം ചെയ്‌തു.
ഐപിസി സെക്ഷൻ 429 പ്രകാരമാണ് പൊലീസ് കേസെടുത്തിട്ടുള്ളത്. ഈ വകുപ്പ് പ്രകാരം കുറ്റം തെളിയിക്കാനായാൽ കുറ്റക്കാർക്ക് 5 വർഷം തടവും പിഴയും ലഭിക്കും. ഇന്നലെ രാവിലെയാണ് കടുത്തുരുത്തി, മുളക്കുളം ഭാഗത്ത് തെരുവ് നായ്ക്കളെ കൂട്ടത്തോടെ ചത്ത നിലയിൽ കണ്ടെത്തിയത്. സദൻ എന്ന മ്യഗസ്നേഹിയും പരാതി നൽകിയിട്ടുണ്ട്.
ALSO READ: വാക്‌സിനേഷനിടെ ലൈഫ് സ്‌റ്റോക്ക് ഇന്‍സ്‌പെക്‌ടര്‍ക്ക് വളര്‍ത്തു നായയുടെ കടിയേറ്റു
അതേസമയം കോട്ടയം ചങ്ങനാശ്ശേരിയിൽ തെരുവ് നായയെ കൊന്നു കെട്ടി തൂക്കിയ നിലയിൽ കണ്ടെത്തി. പെരുന്ന സുബ്രഹ്മണ്യസ്വാമി ക്ഷേത്രത്തിന് സമീപം ഇന്ന് രാവിലെയാണ് സംഭവം നാട്ടുകാരുടെ ശ്രദ്ധയിൽ പെട്ടത്. സംഭവത്തിൽ പൊലീസ് കേസെടുത്തിട്ടുണ്ട്. രണ്ടുദിവസം മുൻപ് ഇവിടെ ഒരു സ്‌ത്രീയെ തെരുവുനായ കടിക്കാൻ ഓടിച്ചിരുന്നു.
