കോട്ടയം: നടുറോഡില്‍ തമ്മിലടിച്ച് എസ്എഫ്ഐ പ്രവര്‍ത്തകര്‍. ജില്ല സമ്മേളനത്തിന്‍റെ ഭാഗമായി എസ്എഫ്ഐ ജില്ല കമ്മിറ്റി സംഘടിപ്പിച്ച വിദ്യാർഥി സംഗമത്തിൽ പങ്കെടുക്കാനെത്തിയ പ്രവർത്തകര്‍ തമ്മിലാണ് സംഘര്‍ഷമുണ്ടായത്.
തിരുനക്കര മൈതാനത്ത്‌ സംഘടിപ്പിച്ച പരിപാടിയില്‍ നൂറ്‌ കണക്കിന് പ്രവര്‍ത്തകരാണ് പങ്കെടുത്തത്. പരിപാടിക്ക് ശേഷം പിരിഞ്ഞ് പോകുന്നതിനിടെ കടുത്തുരുത്തിയിലെ എസ്എഫ്ഐ പ്രവര്‍ത്തകരും നാട്ടകം പോളിടെക്‌നിക്ക് കോളജിലെ എസ്എഫ്ഐ പ്രവര്‍ത്തകരും തമ്മില്‍ തര്‍ക്കമുണ്ടാവുകയും തുടര്‍ന്ന് സംഘര്‍ഷത്തില്‍ കലാശിക്കുകയുമായിരുന്നു.
Also Read: ജീവകാരുണ്യ പ്രവർത്തകൻ സുശാന്ത് നിലമ്പൂർ അറസ്റ്റിൽ
സംഘര്‍ഷത്തെ തുടര്‍ന്ന് അര മണിക്കൂര്‍ കോട്ടയം സെന്‍ട്രല്‍ ജംഗ്‌ഷനില്‍ ഗതാഗതം തടസപ്പെട്ടു. എന്നാല്‍ സംഭവത്തില്‍ പൊലീസ് ഇടപെടാന്‍ തയ്യാറായില്ല. പിന്നീട്‌ മുതിര്‍ന്ന എസ്എഫ്ഐ നേതാക്കളെത്തിയാണ് സംഘര്‍ഷം ഒതുക്കി തീര്‍ത്തത്.
