കോതമംഗലം: നാല് കിലോ കഞ്ചാവുമായി ഒഡീഷ സ്വദേശികളായ രണ്ട് പേർ അറസ്‌റ്റില്‍. കോതമംഗലം മുനിസിപ്പൽ ബസ് സ്റ്റാന്റ് കേന്ദ്രീകരിച്ച് കഞ്ചാവ് വിൽപ്പന നടത്തുന്ന സംഘമാണ് എക്സൈസിന്‍റെ പിടിയിലായത്. ഒഡീഷ, മണ്ണിഗുഡ സ്വദേശി ബോബി (27), ഗാസേബാദ് ഗ്രാമവാസിയായ ബാബു (28) എന്നിവരാണ് പിടിയിലായത്.
നാല് കിലോ കഞ്ചാവുമായി അന്യസംസ്ഥാനക്കാര്‍ പിടിയില്‍ കഞ്ചാവുമായി ആലുവ റെയില്‍വേ സ്റ്റേഷനില്‍ ഇറങ്ങുകയും അവിടെ നിന്ന് കോതമംഗലം ബസ് സ്റ്റാന്റിലെത്തിച്ച് മറ്റൊരു പ്രതിയായ ബോബിക്ക് കൈമാറുകയുമായിരുന്നു. രഹസ്യവിവരം ലഭിച്ചിരുന്നതിനാൽ കോതമംഗലം എക്സൈസ് സർക്കിൾ ഇൻസ്പെക്‌ടര്‍ ടി.എം കാസിമിന്റെ നേതൃത്വത്തിൽ ബസ് സ്‌റ്റാന്‍റില്‍ കാത്തുനിന്ന എക്സൈസ് സംഘം പ്രതികളെ തൊണ്ടി സഹിതം പിടികൂടുകയായിരുന്നു. കോതമംഗലം മുനിസിപ്പൽ ബസ് സ്റ്റാന്റിലെ കംഫർട്ട് സ്റ്റേഷനിൽ മുൻ ജീവനക്കാരനായിരുന്നു പ്രതികളിലൊരാളായ ബോബി. കഴിഞ്ഞ 12 വർഷമായി കേരളത്തിലുള്ള ബോബി കംഫർട്ട് സ്റ്റേഷന്റെ മറവിലാണ് കഞ്ചാവ് കച്ചവടം നടത്തിയിരുന്നത്.
