എറണാകുളം: കുറവിലങ്ങാട് മഠത്തിലെ കന്യാസ്ത്രീയെ പീഡിപ്പിച്ച കേസിൽ ബിഷപ്പ് ഫ്രാങ്കോ മുളയ്ക്കൽ അന്വേഷണം നേരിടണമെന്ന് ഹൈക്കോടതി. ഫ്രാങ്കോ മുളയ്‌ക്കലിന്‍റെ വിടുതൽ ഹർജി ഹൈക്കോടതി തള്ളി. വിചാരണ നടത്താൻ ആവശ്യമായ തെളിവുകളുണ്ട്. അതിനാല്‍ കേസിൽ നിന്ന് ഒഴിവാക്കണമെന്ന ആവശ്യം അംഗീകരിക്കാനാവില്ലെന്നും കോടതി വ്യക്തമാക്കി.
ഈ കേസിൽ ഇപ്പോൾ ഇടപെടേണ്ട സാഹചര്യമില്ല. വിചാരണ നേരിട്ട് സത്യസന്ധത തെളിയിക്കുകയാണ് വേണ്ടത്. വിചാരണ കോടതിയിൽ ബിഷപ്പ് ഹാജരാകണമെന്നും ഹൈക്കോടതി നിർദേശിച്ചു. ഫ്രാങ്കോയുടെ വിടുതൽ ഹർജി നേരത്തെ കോട്ടയം ജില്ലാ സെഷൻസ് കോടതിയും തള്ളിയിരുന്നു. പിന്നാലെയാണ് ഫ്രാങ്കോ ഹൈക്കോടതിയെ സമീപിച്ചത്.
