എറണാകുളം : എറണാകുളം കുന്നുംപുറത്ത് ആളൊഴിഞ്ഞ പറമ്പിൽ മൃതദേഹം കണ്ടെത്തി. കുന്നുംപുറം സ്വദേശി കൃഷ്‌ണകുമാറാണ് മരിച്ചത്. സംഭവം കൊലപാതകമാണെന്ന് സംശയിക്കുന്നതായി പൊലീസ് പറഞ്ഞു. ഫോറൻസിക് സംഘം സ്ഥലത്ത് പരിശോധന നടത്തി.
Also Read: 6 വയസുകാരിയെ പീഡിപ്പിച്ച് കൊന്ന പ്രതിയെ തെളിവെടുപ്പിനെത്തിച്ച് പൊലീസ്, രോഷവുമായി നാട്ടുകാർ
സംഭവുമായി ബന്ധപ്പെട്ട് എആർ ക്യാമ്പിലെ ഒരു പൊലീസ് ഉദ്യോഗസ്ഥൻ ഉൾപ്പടെ രണ്ട് പേരെ കസ്റ്റഡിയിലെടുത്തിട്ടുണ്ട്. ബിജോയിയെന്ന പൊലീസുകാരനും ഫൈസൽ എന്ന മറ്റൊരാളുമാണ് കസ്റ്റഡിയിലുള്ളത്. ഇവരെ പൊലീസ് ചോദ്യം ചെയ്‌ത് വരികയാണ്.
Also Read: സ്വർണക്കടത്ത് സംഘങ്ങളുടെ സംരക്ഷകർ ടി.പി കേസ് പ്രതികളെന്ന് കസ്റ്റംസ്
തിങ്കളാഴ്ച രാത്രി പന്ത്രണ്ട് മണിയോടെ കുന്നുംപുറത്ത് കായലിന് സമീപത്തുളള ഒഴിഞ്ഞ പറമ്പിൽ നിന്നും ബഹളം കേട്ടിരുന്നു. ഇതേതുടർന്ന് നാട്ടുകാർ നടത്തിയ പരിശോധനയിലാണ് മൃതദേഹം കണ്ടെത്തിയത്.
ഇരുമ്പ് വടി കൊണ്ട് മർദനമേറ്റതാണ് മരണകാരണമെന്നാണ് പ്രഥമിക നിഗമനം. സുഹൃത്തുക്കൾ തമ്മിലുള്ള സാമ്പത്തിക തർക്കമാണ് കൊലപാതകത്തിലേക്ക് നയിച്ചതെന്നും സംശയിക്കുന്നു.
