വയനാട് : യുഡിഎഫ് പ്രതിഷേധ പ്രകടനത്തിനിടെ കൽപ്പറ്റയില്‍ ദേശാഭിമാനി ഓഫിസ് ആക്രമിച്ച സംഭവത്തിൽ ഏഴ് പേരെ പൊലീസ് അറസ്റ്റ് ചെയ്‌തു. കെഎസ്‌യു സംസ്ഥാന വൈസ് പ്രസിഡന്‍റ് ജഷീർ പള്ളിവയൽ ഉൾപ്പടെയുള്ളവരാണ് പിടിയിലായത്. ഇവരെ പിന്നീട് സ്റ്റേഷൻ ജാമ്യത്തിൽ വിട്ടു.
Read more: ദേശാഭിമാനി ഓഫിസ് ആക്രമണം : കോൺഗ്രസ് നേതാക്കൾക്കെതിരെ ജാമ്യമില്ലാവകുപ്പ് പ്രകാരം കേസ്
രാഹുല്‍ ഗാന്ധി എംപിയുടെ ഓഫിസ് ആക്രമണത്തില്‍ പ്രതിഷേധിച്ച് സംഘടിപ്പിച്ച കോണ്‍ഗ്രസ് റാലിക്കിടെയായിരുന്നു ദേശാഭിമാനി ഓഫിസിന് നേരെ ആക്രമണമുണ്ടായത്. സംഭവവുമായി ബന്ധപ്പെട്ട് കെഎസ്‌യു സംസ്ഥാന പ്രസിഡന്‍റ് കെ.എം അഭിജിത്ത്, കെഎസ്‌യു സംസ്ഥാന വൈസ് പ്രസിഡന്‍റും കൽപ്പറ്റ ബ്ലോക്ക് പഞ്ചായത്തംഗവുമായ ജഷീർ പള്ളിവയൽ അടക്കം അൻപതോളം പേർക്കെതിരെ പൊലീസ് കേസെടുത്തിരുന്നു.
