ആലപ്പുഴ : ആരോഗ്യ മേഖലയിലെ അടിസ്ഥാന സൗകര്യ വികസനത്തില്‍ ഗണ്യമായ മുന്നേറ്റം കൈവരിക്കാന്‍ സമീപ വര്‍ഷങ്ങളില്‍ സംസ്ഥാനത്തിന് സാധിച്ചെന്ന് ആരോഗ്യ മന്ത്രി വീണ ജോര്‍ജ്. തുറവൂര്‍ താലൂക്ക് ആശുപത്രിയിലെ ആധുനിക ഡയാലിസിസ് യൂണിറ്റിന്‍റെ ഉദ്ഘാടനം ഓണ്‍ലൈനില്‍ നിര്‍വഹിക്കുകയായിരുന്നു മന്ത്രി.
കഴിഞ്ഞ സര്‍ക്കാരിന്‍റെ കാലത്ത് ആരോഗ്യ മേഖലയില്‍ നടപ്പാക്കിയ സമാനതകളില്ലാത്ത വികസന പ്രവര്‍ത്തനങ്ങളുടെ തുടര്‍ച്ചയാണ് ഇപ്പോള്‍ നടന്നുവരുന്ന പദ്ധതികളെന്ന് മന്ത്രി ചൂണ്ടിക്കാട്ടി. തുറവൂര്‍ താലൂക്ക് ആശുപത്രിയില്‍ നടന്ന ചടങ്ങില്‍ ദലീമ ജോജോ എംഎല്‍എ അധ്യക്ഷത വഹിച്ചു. എ.എം ആരിഫ് എം.പി മുഖ്യാതിഥിയായിരുന്നു.
ആരോഗ്യ മേഖലയിലെ അടിസ്ഥാന സൗകര്യ വികസനത്തില്‍ ഗണ്യമായ മുന്നേറ്റം: മന്ത്രി വീണ ജോര്‍ജ്
