ന്യൂഡൽഹി: അടുത്ത സാമ്പത്തിക വർഷത്തിൽ രാജ്യത്തിന്‍റെ വളർച്ച 6-6.5 ശതമാനമാകുമെന്ന് സാമ്പത്തിക സർവെ. സർവ് പ്രകാരം നടപ്പ് സാമ്പത്തിക വർഷത്തെ വളർച്ച അഞ്ച് ശതമാനമാണ്.
കാർഷിക, അനുബന്ധ മേഖല അടുത്ത സാമ്പത്തിക വർഷം 2.8 ശതമാനം വളർച്ച രേഖപ്പെടുത്തു. ഈ വർഷത്തെ വളർച്ച 2.9 ശതമാനമാണ്.
പണപ്പെരുപ്പം 2019 ഏപ്രിലിൽ 3.2 ശതമാനത്തിൽ നിന്ന് 2019 ഡിസംബറിൽ 2.6 ശതമാനമായി കുത്തനെ ഇടിഞ്ഞു. ഇത് സമ്പദ്‌വ്യവസ്ഥയിലെ ആവശ്യകതയിലുണ്ടായ കുറവ് മൂലമാണ്.
2019-20ലെ വ്യാവസായിക വളർച്ച 2.5% ആണെന്ന് സാമ്പത്തിക സർവെ പറയുന്നു.
2019-20 ധനക്കമ്മി 7.04 ലക്ഷം കോടി(ജിഡിപിയുടെ 3.3% )യെന്ന് സാമ്പത്തിക സർവേ. 2018-19 ൽ ഇത് 6.49 ലക്ഷം കോടി(ജിഡിപിയുടെ 3.4%) ആയിരുന്നു.
മനഃപൂർവം വായ്‌പാ തിരിച്ചടക്കാത്ത ഇനത്തിൽ നഷ്‌ടമായ പണം സമ്പദ്‌വ്യവസ്ഥയിലുണ്ടായിരുന്നുവെങ്കിൽ സാമൂഹിക മേഖലക്കായി ഇരട്ടി തുക ചെലവാക്കാമായിരുന്നുവെന്ന് മുഖ്യ സാമ്പത്തിക ഉപദേഷ്‌ടാവ് കൃഷ്‌ണമൂർത്തി സുബ്രഹ്മണ്യൻ പറഞ്ഞു.
ആഗോള സമ്പദ്‌വ്യവസ്ഥ 2019ൽ മന്ദഗതിയിലായത് ഇന്ത്യൻ സമ്പദ്‌വ്യവസ്ഥയിൽ മാന്ദ്യത്തിന് ഒരു കാരണമായെന്നും മുഖ്യ സാമ്പത്തിക ഉപദേഷ്‌ടാവ് പറഞ്ഞു
ചൈനയുടെ ഉൽപ്പാദന രീതിക്ക് സമാനമായി കൂടുതൽ തൊഴിൽ പ്രധാനം ചെയ്യുന്ന ഉൽപ്പാദന രീതീകൾ ഇന്ത്യുയും സ്വീകരിക്കണമെന്നും ഇതാണ് ഇന്ത്യയും ചൈനയും തമ്മിൽ കയറ്റുമതി വത്യാസത്തിലുള്ള കാരണമെന്നും സാമ്പത്തിക സർവേ റിപ്പോർട്ടിൽ പറയുന്നു.
