ന്യൂഡല്‍ഹി: കടബാധ്യതയില്‍ പെട്ട് താല്‍ക്കാലികമായി അടച്ചുപൂട്ടിയ ജെറ്റ് എയര്‍വേഴ്സിനെ സ്വന്തമാക്കാന്‍ പ്രമുഖ എയര്‍ലൈന്‍സ് ഗ്രൂപ്പായ ഇത്തിഹാദ് രംഗത്ത്. ബിഡ് സമര്‍പ്പിക്കാനുള്ള അവസാന തിയതിയായ ഇന്നാണ് എത്തിഹാദും മറ്റ് ചിലരും ബിഡ് സമര്‍പ്പിച്ച കാര്യം എസ്ബിഐ ബാങ്ക് കണ്‍സോഷ്യം വെളിപ്പെടുത്തുന്നത്.
ഏപ്രില്‍ 8 മുതല്‍ 12 വരെയാണ് ബിഡ് സമര്‍പ്പിക്കാനായി അനുവദിച്ചിരുന്ന സമയം എന്നാല്‍ ആരും തന്നെ ബിഡ് സമര്‍പ്പിക്കാനെത്താത്തിനെ തുടര്‍ന്ന് സമയപരുധി വീണ്ടും നീട്ടുകയായിരുന്നു. എത്തിഹാദിനൊപ്പം മൂന്‍കൂട്ടി അറിയിക്കാതെ മറ്റ് ചിലരും ബിഡ് സമര്‍പ്പിച്ചതായി ബാങ്ക് കണ്‍സോഷ്യം പറഞ്ഞു.
