ഹൈദരാബാദ്: നവംബര്‍ 20ന് ആരംഭിക്കുന്ന ഐഎസ്എല് ഏഴാം സീസണിലെ ഫിക്‌ചര്‍ നാളെ പ്രഖ്യാപിക്കും. വൈകീട്ട് 4.45ന് പ്രഖ്യാപനം നടക്കുമെന്ന് ഐഎസ്എല് ട്വീറ്റ് ചെയ്‌തു. കേരളാ ബ്ലാസ്റ്റേഴ്‌സും നിലവിലെ ചാമ്പ്യന്‍മാരായ എടികെ മോഹന്‍ബഗാനും തമ്മില്‍ ഉദ്‌ഘാടന മത്സരം നടക്കുമെന്നാണ് ആരാധകരുടെ പ്രതീക്ഷ.
ഈസ്റ്റ് ബംഗാളിന്‍റെ വരവോടെ ഇത്തവ ഐപിഎല്ലില്‍ 11 ടീമുകള്‍ മാറ്റുരക്കും. 11 ടീമുകള്‍ പങ്കെടുക്കുന്ന ആദ്യത്തെ ഐപിഎല്‍ കൂടിയാകും ഇത്. കൊവിഡിനെ തുടര്‍ന്ന് ഗോവയിലെ മൂന്ന് സ്റ്റേഡിയങ്ങളിലായി കാണികളില്ലാതെയാകും മത്സരങ്ങള്‍ നടക്കുക.
