നികുതി ഇളവുകള്‍ ഇങ്ങനെ
ന്യൂഡല്‍ഹി: ഇലക്‌ട്രോണിക്‌സ് ഉത്‌പന്നങ്ങള്‍ ഉള്‍പ്പടെ നിര്‍ണായക സാധനസാമഗ്രികളുടെ എക്‌സൈസ് തീരുവ കുറച്ചുവെന്നറിയിച്ച് ധനമന്ത്രി നിര്‍മല സീതാരാമന്‍. പ്രാഥമിക എക്‌സൈസ് തീരുവ കുറക്കുന്നതോടെ മൊബൈല്‍ ഫോണ്‍, കാമറ ലെന്‍സ്, ഇലക്‌ട്രിക് കിച്ചന്‍ ചിമ്മിനി, കളിപ്പാട്ടങ്ങള്‍, വാതിലുകള്‍ തുടങ്ങിയവയുടെ വില കുറയും. ബജറ്റ് പ്രഖ്യാപനത്തിന്‍റെ പാര്‍ട് ബിയിലേക്ക് കടക്കുന്നുവെന്നറിയിച്ചാണ് ധനമന്ത്രി നികുതിയിളവുകള്‍, ആദായ നികുതി തുടങ്ങിയവ ഉള്‍പ്പെടുന്ന ബജറ്റിലെ തന്നെ സുപ്രധാന പ്രഖ്യാപനങ്ങളിലേക്ക് നീങ്ങിയത്.
ടെലിവിഷൻ പാനലുകളുടെ തീരുവ 2.5 ശതമാനം കുറയ്‌ക്കും. മൊബൈൽ ഫോൺ ഘടകങ്ങൾക്കുള്ള കസ്റ്റംസ് തീരുവയിളവ് ഒരു വർഷം കൂടി തുടരും എന്നീ പ്രഖ്യാപനങ്ങളുമുണ്ടായി. അതേസമയം സ്വർണം, വെള്ളി, ഡയമണ്ട് എന്നിവയുടെ വില കൂടും. ഇറക്കുമതി ചെയ്യുന്ന റബ്ബറിനും വില വര്‍ധിക്കും.
