കാസർകോഡ് ലോക്സഭാ മണ്ഡലത്തിലെ ജനങ്ങൾ തനിക്കൊപ്പം ആണെന്ന് യുഡിഎഫ് സ്ഥാനാർഥി രാജ്മോഹൻ ഉണ്ണിത്താൻ. നാടിളക്കിയുള്ള പ്രചാരണം അനുകൂലമാകുമെന്നാണ് പ്രതീക്ഷ. സർവേ ഫലങ്ങൾ ശരിവെക്കും വിധമുള്ള വിജയം കാസർകോട് ഉണ്ടാകുമെന്നും രാജ്മോഹൻ ഉണ്ണിത്താൻ ഇ ടി വി ഭാരതിനോട് പറഞ്ഞു.
കോട്ടകാക്കാൻ എൽഡിഎഫ്, പിടിച്ചടക്കാൻ യുഡിഎഫ്
അതെസമയം, ഇടത് കോട്ടകാക്കാൻ ആകുമെന്ന പ്രതീക്ഷയിലാണ് കാസർകോട് എൽഡിഎഫ് സ്ഥാനാർഥി കെപി സതീഷ് ചന്ദ്രൻ. പ്രചാരണത്തിന്‍റെ അവസാന ഘട്ടത്തില്‍ മഞ്ചേശ്വരത്ത് നിന്നും കല്യാശ്ശേരിയിലേക്കുള്ള റോഡ് ഷോയിലാണ് കെപി സതീഷ് ചന്ദ്രൻ.
