ഹൈദരാബാദ്: ലോകത്ത് കൊവിഡ് രോഗികളുടെ എണ്ണം 1,07,93,359 ആയി. 5,18,046 പേർ ഇതുവരെ കൊവിഡ് ബാധിച്ച് മരിച്ചു. 59,30,131 പേർ രോഗമുക്തി നേടി . ദക്ഷിണ കൊറിയയിൽ 54 കേസുകൾ കൂടി റിപ്പോർട്ട് ചെയ്തു. ഇതോടെ ആകെ കേസുകളുടെ എണ്ണം 12,904 ആയി. 282 പേർ രോഗം ബാധിച്ച് മരിച്ചു.
തെക്കുപടിഞ്ഞാറൻ നഗരമായ ഗ്വാങ്‌ജുവിൽ പുതുതായി 24 കൊവിഡ് കേസുകൾകൂടി റിപ്പോർട്ട് ചെയ്തു. ചൈനയിൽ മൂന്ന് പുതിയ കേസുകൾ കൂടി റിപ്പോർട്ട് ചെയ്തു. ഇതിൽ രണ്ടുപേർ വിദേശത്തുനിന്ന് വന്നവരാണ്. അതേസമയം ആഗോളതലത്തിൽ രോഗബാധിതരുടെ എണ്ണത്തിൽ നാലാം സ്ഥാനത്താണ് ഇന്ത്യയിപ്പോൾ.
