അമരാവതി: കൊവിഡ് ബാധിച്ച് മരിച്ച യുവതിയുടെ മൃതദേഹം 15 കിലോമീറ്ററോളം ബൈക്കിലിരുത്തി വീട്ടിലെത്തിച്ച് കുടുംബാംഗങ്ങൾ. ആന്ധ്രാപ്രദേശ് ശ്രീകാകുളം ജില്ലയിലെ കാസിബഗ്ഗയിലാണ് സംഭവം നടന്നത്.
യുവതിക്ക് രോഗം ബാധിച്ചതിനെത്തുടർന്ന് തിങ്കളാഴ്ച കാസിബുഗ്ഗയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. എന്നാൽ യുവതിയുടെ ഓക്സിജന്‍റെ അളവ് ക്രമാതീതമായി കുറഞ്ഞതിനെ തുടർന്ന് നടത്തിയ സിടി സ്കാനിൽ കൊവിഡ് സ്ഥിരീകരിക്കുകയായിരുന്നു.
കൊവിഡ് ബാധിച്ച് യുവതി മരിച്ചു; മൃതദേഹം വീട്ടിലെത്തിച്ചത് ബൈക്കില്‍
സിടി സ്കാൻ കഴിഞ്ഞ് ഓട്ടോയിൽ ആശുപത്രിയിലേക്ക് കൊണ്ടുപോകുന്നതിനിടെ യുവതി മരിച്ചു. തുടര്‍ന്ന് ഓട്ടോ ഡ്രൈവർ മൃതദേഹത്തെയും ഒപ്പമുള്ളവരെയും ഓട്ടോയിൽ നിന്ന് ഇറക്കി. ഇതോടെയാണ് ബന്ധുക്കൾക്ക് ഇരുചക്രവാഹനത്തിൽ മൃതദേഹം നാട്ടിലേക്ക് കൊണ്ടുപോകേണ്ടി വന്നത്.
