കരാട് (മഹാരാഷ്‌ട്ര): ഇലക്‌ട്രിക് ബൈക്ക് ചാര്‍ജ് ചെയ്യുന്നതിനിടെ ഷോക്കേറ്റ് യുവതിക്ക് ദാരുണാന്ത്യം. മഹാരാഷ്‌ട്രയിലെ കരാടിലാണ് സംഭവം. മഹോപ്രെ സ്വദേശി ശിവാനി അനില്‍ പട്ടീല്‍ (23) ആണ് മരിച്ചത്.
സംഭവത്തെ കുറിച്ച് പൊലീസ് പറയുന്നതിങ്ങനെ - ശിവാനി ഇലക്‌ട്രിക് ബൈക്ക് ആണ് ഉപയോഗിക്കുന്നത്. വെള്ളിയാഴ്‌ച പുറത്ത് പോകാനായി ബൈക്ക് പരിശോധിച്ചപ്പോള്‍ ചാര്‍ജ് കുറവാണെന്ന് മനസിലായി. തുടര്‍ന്ന് ബൈക്കിന്‍റെ ബാറ്ററി ഊരി വീടിനകത്ത് ചാർജ് ചെയ്യുകയായിരുന്നു.
Also read: ചാർജുചെയ്യുന്നതിനിടെ ഇലക്‌ട്രിക് ബൈക്ക് പൊട്ടിത്തെറിച്ച് ഒരു മരണം ; 3 പേർക്ക് പരിക്ക്
ബാറ്ററി ചാര്‍ജ് ചെയ്യുന്നതിനിടെ ശിവാനിക്ക് ഷോക്കേല്‍ക്കുകയായിരുന്നു. ശിവാനിയെ ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. സംഭവവുമായി ബന്ധപ്പെട്ട് കരാട് റൂറല്‍ പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്‌തിട്ടുണ്ട്.
