ന്യൂഡല്‍ഹി: പാവങ്ങളെ കൊള്ളയടിക്കുന്നവര്‍ എത്ര ഉന്നതരായാലും അവരെ വെറുതെ വിടില്ലെന്ന് പ്രധനമന്ത്രി നരേന്ദ്രമോദി. സെൻട്രല്‍ വിജിലന്‍സ് കമ്മിഷന്‍റേയും സെന്‍ട്രല്‍ ബ്യൂറോ ഓഫ് ഇന്‍വസ്റ്റിഗേഷന്‍റേയും യോഗത്തില്‍ സംസാരിക്കുകയായിരുന്നു അദ്ദേഹം.
അഴിമതി ചെറാതായും വലുതായാലും അത് മറ്റുള്ളവരെ ബാധിക്കുമെന്ന് ഉറപ്പാണ്. ഇത് രാജ്യത്തെ സാധാരണക്കാരുടെ അവകാശങ്ങളെ ഇല്ലാതാക്കും. മാത്രമല്ല അത് രാജ്യത്തിന്‍റെ കൂട്ടായ പ്രവര്‍ത്തനത്തെ തകര്‍ക്കും. അതിനാല്‍ തന്നെ രാജ്യത്ത് അഴിമതി നടത്തുന്നവര്‍ ആരായാലും അവരെ നിയമത്തിന് മുന്നില്‍ കൊണ്ടുവരുമെന്നും പ്രധാനമന്ത്രി കൂട്ടിച്ചേര്‍ത്തു.
READ MORE: മഴക്കെടുതിയിൽ 39 മരണം, ആറ് പേർക്കായി തെരച്ചിൽ തുടരുന്നു: ആശ്രിതരെ കൈവിടില്ലെന്ന് മുഖ്യമന്ത്രി
ഇടനിലക്കാരോ അഴിമതിയോ ഇല്ലാതെയാണ് നിലവില്‍ പൊതു പദ്ധതികള്‍ സര്‍ക്കാര്‍ നടപ്പാക്കുന്നത്. അഴിതിക്കാര്‍ കൂടി വരുന്നതായി നിലവില്‍ ജനങ്ങള്‍ വിശ്വസിക്കുന്നില്ല. അഴിമതി വ്യവസ്ഥയുടെ ഭാഗമാണെന്ന് അംഗീകരിക്കാൻ പുതിയ ഇന്ത്യയിലെ ജനങ്ങള്‍ തയ്യാറല്ല. സുതാര്യമായ നയങ്ങളും കാര്യക്ഷമമായ പ്രവര്‍ത്തനവും സുഗമമായ ഭരണവുമാണ് ജനങ്ങള്‍ ആഗ്രഹിക്കുന്നതെന്നും നരേന്ദ്രമോദി പറഞ്ഞു.
