ജ്ഞാനഭാരതി ക്യാമ്പസിൽ ലാത്തിചാർജ്; 30ലേറെ വിദ്യാർഥികൾക്ക് പരിക്ക്

കോളജിൽ പ്രതിഷേധിക്കുകയായിരുന്ന വിദ്യാർഥികൾക്ക് നേരെയാണ് പൊലീസ് ലാത്തിചാർജ് നടത്തിയത്.

ബെംഗളുരു: ജ്ഞാനഭാരതി ക്യാമ്പസിൽ പൊലീസ് ലാത്തിചാർജ്. 30ലേറെ വിദ്യാർഥികൾക്ക് പരിക്കേറ്റു. വിദ്യാർഥികളെ ആശുപത്രിയിൽ പ്രവേശിപ്പിച്ചു. എബിവിപി പ്രവർത്തകർക്കൊപ്പം പ്രതിഷേധിക്കുകയായിരുന്ന വിദ്യാർഥികൾക്ക് നേരെയാണ് പൊലീസ് ലാത്തിചാർജ് നടത്തിയത്.

ഫീസ് വർധന, ഹോസ്റ്റൽ സംവിധാനങ്ങളിലെ അസൗകര്യങ്ങൾ ഉൾപ്പടെയുള്ളവ ചൂണ്ടിക്കാട്ടിയാണ് വിദ്യാർഥികൾ പ്രതിഷേധിച്ചത്.