ഉന്നാവോയിൽ മൃതദേഹം കണ്ടെത്തിയ സംഭവം; നിഷേധിച്ച് ജില്ലാ ഭരണകൂടം

ഗംഗയിൽ മൃതദേഹങ്ങൾ ഒഴുകി നടക്കുന്ന വീഡിയോ സാമൂഹ്യ മാധ്യമങ്ങളിൽ അടക്കം വൈറലായിരുന്നു.

ഉന്നാവോ: ഉന്നാവോയിലെ ഗംഗയുടെ ഭാഗത്ത് നിന്ന് മൃതദേഹം കണ്ടെത്തിയ സംഭവം നിഷേധിച്ച് ജില്ലാ ഭരണകൂടം. നദിയിൽ പരിശോധന നടത്തിയെന്നും എന്നാൽ മൃതദേഹങ്ങൾ കണ്ടെത്തിയില്ലെന്നും സബ്‌ ഡിവിഷണൽ മജിസ്‌ട്രേറ്റ് ദയാശങ്കർ പധക് പറഞ്ഞു.

രാജ്യത്ത് കൊവിഡ് രണ്ടാം തരംഗം ആഞ്ഞടിച്ച സമയത്ത് ഗംഗയിൽ മൃതദേഹങ്ങൾ കണ്ടെത്തിയിരുന്നു. മണ്ണിൽ സംസ്‌കരിച്ച മൃതദേഹങ്ങൾ ഗംഗയിൽ വെള്ളം ഉയർന്നതിനെ തുടർന്ന് ഒഴുകി നടക്കുകയുമായിരുന്നു. ഈ ദൃശ്യങ്ങൾ സാമൂഹ്യ മാധ്യമങ്ങളിൽ അടക്കം വൈറലായിരുന്നു.

കൊവിഡ് ബാധിച്ച് മരിച്ചവരുടെ മൃതദേഹങ്ങളാണ് ഗംഗയിൽ കണ്ടെത്തിയതെന്ന് ആരോപണം ഉയർന്നിരുന്നു. യുപിയിലും ബിഹാറിലുമായി ഗംഗയുടെ വിവിധ ഭാഗങ്ങളിൽ നിന്നും ആയിരക്കണക്കിന് മൃതദേഹങ്ങളാണ് കണ്ടെത്തിയത്.