ശ്യാംപൂര്‍ (ഉത്തരാഖണ്ഡ്) : കാട്ടുകൊമ്പന്മാര്‍ തമ്മില്‍ കൊമ്പുകോര്‍ക്കുന്നതിന്റ അപൂര്‍വ ദൃശ്യങ്ങള്‍ ഇടിവി ഭാരതിന്. ഉത്തരാഖണ്ഡിലെ ഹരിദ്വാര്‍ വനം വകുപ്പ് അധികൃതരാണ് വീഡിയോ പുറത്തുവിട്ടത്. കാടിനുള്ളില്‍ കൊമ്പന്മാര്‍ തമ്മില്‍ ഇത്തരം ഏറ്റുമുട്ടലുകള്‍ സാധാരണയാണെങ്കിലും ദൃശ്യങ്ങള്‍ ലഭ്യമാകാറില്ല
കൊമ്പന്‍മാരില്‍ ഒന്ന് ചാകുകയോ അല്ലെങ്കില്‍ ഗുരുതര പരിക്കേല്‍ക്കുകയോ ആണ് സാധാരണ സംഭവിക്കാറ്. ആനക്കൂട്ടത്തില്‍ ഒരു കൊമ്പനൊപ്പം നിരവധി പെണ്ണാനകള്‍ ഉണ്ടാകാറുണ്ട്. ഇത്തരത്തിലുള്ള ആനക്കൂട്ടത്തെ നയിക്കുന്നതും പിടിയാനകളുമായി ബന്ധപ്പെടുന്നതും ഈ കൊമ്പനാകും. ഇവര്‍ സ്വന്തമാക്കി വച്ച പ്രദേശത്തെ തീറ്റയാകും ഇവര്‍ ഭക്ഷിക്കുക.
Also Read: Video | വനത്തിലെ കുളത്തില്‍ ഇരട്ടകള്‍ക്ക് ജന്‍മം നല്‍കി ആന ; കരകയറ്റാന്‍ 'ഓപ്പറേഷന്‍ ട്വിന്‍സ്'
എന്നാല്‍ ചില സമയങ്ങളില്‍ മറ്റ് ആനക്കൂട്ടത്തിലെ കൊമ്പന്‍ പ്രദേശം സ്വന്തമാക്കുന്നതിനും പിടിയാനകളുമായി സമ്പര്‍ക്കത്തിലേര്‍പ്പെടാനും ആക്രമണത്തിനായി എത്തും. ഇവയെ ചെറുത്തുതോല്‍പ്പിക്കുന്ന കൊമ്പന്‍ തന്‍റെ പ്രദേശം നിലനിര്‍ത്തും. തോറ്റാല്‍ തന്‍റെ കൂട്ടത്തേയും പ്രദേശത്തേയും ഉപേക്ഷിച്ച് പോകേണ്ടിവരും.
കഴിഞ്ഞ മാസം സമാന രീതിയില്‍ രണ്ട് കൊമ്പന്മാര്‍ തമ്മില്‍തല്ലി രണ്ടും ചെരിഞ്ഞതായി വനംവകുപ്പ് അധികൃതര്‍ അറിയിച്ചു.
