ജമ്മു കശ്മീർ : കൊവിഡ് കേസുകൾ വർധിച്ചുവരുന്ന സാഹചര്യത്തിൽ ജൂൺ 16 വരെ കശ്മീർ താഴ്‌വരയിലെ ട്രെയിൻ സർവീസുകൾ നിർത്തിവെക്കുമെന്ന് റെയിൽവേ അറിയിച്ചു. കൊവിഡ് വർധനവ് കണക്കിലെടുത്ത് കഴിഞ്ഞ മാസം ഇവിടെ ട്രെയിൻ സർവീസുകൾ നിർത്തിവച്ചിരുന്നു.
ALSO READ: കൊല്‍ക്കത്തയില്‍ ഏറ്റുമുട്ടല്‍ ; പിടികിട്ടാപ്പുള്ളികള്‍ കൊല്ലപ്പെട്ടു
അതേസമയം ബാരാമുള്ള-ബനിഹാൽ-ബാരാമുള്ള ട്രെയിൻ സർവ്വീസുകളുടെ പ്രവർത്തനവും ജൂൺ 16 വരെ റദ്ദാക്കണമെന്ന് കശ്മീർ ഇൻസ്പെക്ടർ ജനറൽ ആവശ്യപ്പെട്ടിട്ടുണ്ട്.
എന്നാൽ ബനിഹാലിൽ നിന്ന് ബാരാമുള്ളയിലേക്കുള്ള ട്രെയിൻ സർവീസ് ജൂൺ 9 മുതൽ പുനരാരംഭിക്കുമെന്ന് റെയിൽവേ അറിയിച്ചു. കൊവിഡ് വ്യാപനം കണക്കിലെടുത്ത് ജമ്മു കശ്മീരിൽ ലോക്ക്ഡൗണ്‍ ജൂലൈ 15 വരെ നീട്ടിയിട്ടുണ്ട്.
