തെരഞ്ഞെടുപ്പ് ഘട്ടങ്ങളായി നടത്തുന്നത് വിലയിരുത്തേണ്ട സമയമായെന്ന് ടി. എസ് കൃഷ്‌ണമൂര്‍ത്തി

ഭാവി തെരഞ്ഞെടുപ്പുകളില്‍ ഒറ്റ ഘട്ടമായി വോട്ട് നടത്തണമെന്നും പ്രചാരണം കുറച്ചു കൊണ്ടുവരാന്‍ ശ്രമിക്കണമെന്നും മുന്‍ മുഖ്യ തെരഞ്ഞെടുപ്പ് കമ്മീഷണര്‍ ടി.എസ് കൃഷ്‌ണ മൂര്‍ത്തി.

ബെംഗളൂരു: വോട്ടെടുപ്പ് ഘട്ടങ്ങളായി നടത്തുന്നതിനെ കുറിച്ച് ചിന്തിക്കേണ്ടിയിരിക്കുന്നുവെന്ന് മുന്‍ മുഖ്യ തെരഞ്ഞെടുപ്പ് കമ്മീഷണര്‍ ടി.എസ് കൃഷ്‌ണ മൂര്‍ത്തി. ഭാവി തെരഞ്ഞെടുപ്പുകളില്‍ ഒറ്റ ഘട്ടമായി വോട്ട് നടത്തണമെന്നും പ്രചാരണം കുറച്ചു കൊണ്ടുവരണമെന്നും അദ്ദേഹം അഭിപ്രായപ്പെട്ടു.

തെരഞ്ഞെടുപ്പ് സമയത്ത് പൊതുയോഗങ്ങളും, റാലികളും നിരോധിക്കാന്‍ കഴിയില്ല. പകരമായി പ്രചാരണവും പൊതുയോഗങ്ങള്‍ നടത്തുന്ന സമയവും ദിവസങ്ങളും കുറച്ചുകൊണ്ടു വരാന്‍ തെരഞ്ഞെടുപ്പ് കമ്മിഷന് ശ്രമിക്കാമെന്നും കൃഷ്‌ണ മൂര്‍ത്തി പറഞ്ഞു.