തെലങ്കാന സ്‌പീക്കറുടെ സുരക്ഷാവാഹനമിടിച്ച് മധ്യവയസ്‌കൻ മരിച്ചു

മരിച്ചത് നരസിംഹ റെഡ്ഡി ; അപകടം റോഡ് മുറിച്ചുകടക്കവെ

ഹൈദരാബാദ് : തെലങ്കാന സ്പീക്കർ പോചാരം ശ്രീനിവാസ് റെഡ്ഡിയുടെ വാഹനവ്യൂഹത്തിലെ കാറിടിച്ച് 55കാരൻ മരിച്ചു. മേദക് ജില്ലയിലാണ് സംഭവം. നരസിംഹ റെഡ്ഡി എന്നായാളാണ് മരിച്ചത്. ഇദ്ദേഹം റോഡ് മുറിച്ചുകടക്കവെയാണ് സുരക്ഷാവാഹനം ഇടിച്ചത്.

നരസിംഹ റെഡ്ഡിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഡ്രൈവര്‍ക്കെതിരെ പൊലീസ് കേസെടുത്തു. സുരക്ഷാവാഹനം പിടിച്ചെടുത്തിട്ടുണ്ട്. സംഭവത്തിൽ കൂടുതൽ അന്വേഷണം നടന്നുവരികയാണെന്ന് അധികൃതര്‍ അറിയിച്ചു.