ബോളിവുഡ് താരം സണ്ണി ലിയോണിയുടെ (Sunny Leone) വെബ് സീരീസ് അണിയറയില്‍ ഒരുങ്ങുന്നു (Sunny Leone Biopic web series). അതും മലയാളത്തില്‍. 'പാൻ ഇന്ത്യൻ സുന്ദരി' (Pan Indian Sundari) എന്ന് പേരിട്ടിരിക്കുന്ന വെബ് സീരിസിലാണ് സണ്ണി ലിയോണി അഭിനയിക്കുക. മലയാളത്തിലെ ആദ്യത്തെ ബിഗ് ബജറ്റ് കോമഡി ആക്ഷൻ ത്രില്ലർ സീരിസാണ് 'പാൻ ഇന്ത്യൻ സുന്ദരി'.
തന്‍റെ ബയോപിക് വെബ് സീരീസിൽ അഭിനയിക്കുന്നതിനായി സണ്ണി ലിയോണി ഇതിനോടകം തന്നെ കേരളത്തില്‍ എത്തിയിട്ടുണ്ട് (Sunny Leone in Kerala). സണ്ണി ലിയോണി കേരളത്തില്‍ എത്തിയതിന്‍റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാവുകയാണ്. സീരീസിന്‍റെ ചിത്രീകരണ രംഗങ്ങള്‍ താരം എക്‌സിലൂടെ (ട്വിറ്റര്‍) പങ്കുവച്ചിട്ടുണ്ട്. 'എന്നെന്നേക്കുമായി കേരളം' എന്ന അടിക്കുറിപ്പോടു കൂടിയാണ് താരം എക്‌സില്‍ പോസ്‌റ്റ് പങ്കുവച്ചിരിക്കുന്നത്.
സണ്ണി ലിയോണി കേന്ദ്രകഥാപാത്രമാകുന്ന സീരീസില്‍ അപ്പാനി ശരത്ത്, മാളവിക എന്നിവരും പ്രധാന വേഷങ്ങളില്‍ എത്തുന്നു. ഇവരെ കൂടാതെ മണിക്കുട്ടൻ, ജോണി ആന്‍റണി, സജിത മഠത്തിൽ, ഭീമൻ രഘു, ഹരീഷ് കണാരൻ, നോബി മർക്കോസ്, അസീസ് നെടുമങ്ങാട്, ജോൺ വിജയ്, കോട്ടയം രമേശ് തുടങ്ങിയവരും അണിനിരക്കുന്നു (Pan Indian Sundari stars).
സതീഷ് ആണ് 'പാൻ ഇന്ത്യൻ സുന്ദരി'യുടെ കഥയും സംവിധാനവും നിർവഹിക്കുന്നത്. പ്രിൻസി ഡെന്നി ലെനിൻ ജോണി എന്നിവര്‍ ചേർന്നാണ് തിരക്കഥ ഒരുക്കിയിരിക്കുന്നത്. എച്ച് ആര്‍ പ്രൊഡക്ഷന്‍സിന്‍റെ ബാനറില്‍ ശ്രീന പ്രതാപൻ ആണ് വെബ് സീരീസിന്‍റെ നിർമാണം.
ഹൈ റിച്ച് ഗ്രൂപ്പിന്‍റെ എച്ച് ആർ ഒടിടിയിലൂടെയാണ് വെബ് സീരീസ് പ്രദർശനത്തിനെത്തുക (Pan Indian Sundari release on HR OTT). മലയാളത്തിന് പുറമെ ഹിന്ദി, തമിഴ്, തെലുഗു, കന്നഡ എന്നീ ഭാഷകളില്‍ വെബ് സീരീസ് റിലീസിനെത്തു (Pan Indian Sundari release).
രവിചന്ദ്രൻ ആണ് ഛായഗ്രഹണം. അഭിലാഷ് ബാലചന്ദ്രൻ എഡിറ്റിങ്ങും നിര്‍വഹിക്കുന്നു. ശ്യാം പ്രസാദാണ് ഈ സീരീസിന് വേണ്ടി ഗാനങ്ങൾ ഒരുക്കിയിരിക്കുന്നത്. ഗോപി സുന്ദർ പശ്ചാത്തല സംഗീതവും ഒരുക്കി.
കലാസംവിധാനം - മധു രാഘവൻ, ആക്ഷൻ കോറിയോഗ്രാഫർ - അഭിഷേക് ശ്രീനിവാസ്, ഡാൻസ് കൊറിയോഗ്രാഫർ - DJ സിബിൻ, ചീഫ് അസോസിയേറ്റ് ഡയറക്‌ടര്‍ - അനന്തു പ്രകാശൻ, ലൈൻ പ്രൊഡ്യൂസർ - എൽദോ സെൽവരാജ്, എക്‌സിക്യൂട്ടിവ് പ്രൊഡ്യൂസർ - സംഗീത് ശ്രീകണ്‌ഠൻ, പിആർഒ - ആതിര ദിൽജിത് എന്നിവരാണ് സീരീസിലെ മറ്റ് അണിയറപ്രവര്‍ത്തകര്‍.
നേരത്തെ സണ്ണി ലിയോണി മമ്മൂട്ടി ചിത്രത്തിലെ ഒരു ഐറ്റം സോംഗില്‍ അഭിനയിച്ചിരുന്നു. 'മധുര രാജ'യിലെ 'മോഹ മുന്ദിരി' എന്ന ഗാനത്തിലാണ് സണ്ണി അഭിനയിച്ചത്. ഈ ഗാനവും സണ്ണി ലിയോണിയുടെ ഡാന്‍സുമൊക്കെ സോഷ്യല്‍ മീഡിയയില്‍ തരംഗമായി മാറിയിരുന്നു. ഇപ്പോഴിതാ സണ്ണി ലിയോണിയുടെ വെബ് സീരീസിലും താരം മുഴുനീള വേഷത്തിലെത്തുകയാണ്.
