ഷോപ്പിയാന്‍ ഏറ്റുമുട്ടൽ : തീവ്രവാദിയെ വധിച്ചു

ഏറ്റുമുട്ടൽ നടന്ന പ്രദേശത്തുനിന്ന് ആയുധങ്ങൾ കണ്ടെടുത്തു.

ശ്രീനഗർ : ജമ്മു കശ്മീരിലെ ഷോപ്പിയാന്‍ ജില്ലയിൽ വെള്ളിയാഴ്ചയുണ്ടായ ഏറ്റുമുട്ടലില്‍ ഒരു തീവ്രവാദിയെ സുരക്ഷാസേന വധിച്ചു. ലഷ്കർ-ഇ-തൊയിബ കമാന്‍ഡര്‍ ഐത്മാദ് അഹ്‌മദ് ദാറാണ് കൊല്ലപ്പെട്ടത്. ഷോപ്പിയാന്‍ സ്വദേശിയായ ഇയാള്‍ നിരവധി ഭീകരാക്രമണങ്ങളില്‍ ഉൾപ്പെട്ടിരുന്നുവെന്ന് പൊലീസ് രേഖകൾ വ്യക്തമാക്കുന്നു.

ഏറ്റുമുട്ടൽ നടന്ന പ്രദേശത്ത് നിന്ന് 01 എകെ -56 റൈഫിൾ ഉൾപ്പെടെയുള്ള വെടിക്കോപ്പുകളും മറ്റ് ആയുധങ്ങളും പൊലീസ് കണ്ടെടുത്തു. സംഭവത്തിൽ വിശദമായ അന്വേഷണവുമാരംഭിച്ചു.