ന്യൂഡല്‍ഹി : മണിപ്പൂര്‍ സന്ദര്‍ശിക്കാനൊരുങ്ങി കോണ്‍ഗ്രസ് നേതാവ് രാഹുല്‍ ഗാന്ധി. ജൂണ്‍ 29, 30 തിയതികളിലാകും പര്യടനം. മണിപ്പൂര്‍ സംഘര്‍ഷത്തെ തുടര്‍ന്ന് ദുരിതാശ്വാസ ക്യാമ്പുകളില്‍ കഴിയുന്നവരുമായി അദ്ദേഹം സംവദിക്കുമെന്നും എഐസിസി ജനറല്‍ സെക്രട്ടറി കെസി വേണുഗോപാല്‍ ട്വിറ്ററിലൂടെ അറിയിച്ചു. മെയ്‌ മാസത്തോടെ സംഘര്‍ഷം ഉടലെടുത്ത മണിപ്പൂരിലേക്കുള്ള രാഹുല്‍ ഗാന്ധിയുടെ ആദ്യ സന്ദര്‍ശനമാണിതെന്നും വേണുഗോപാല്‍ ട്വീറ്റില്‍ കുറിച്ചു.
'കഴിഞ്ഞ രണ്ട് മാസമായി മണിപ്പൂർ കത്തിക്കൊണ്ടിരിക്കുകയാണ്. സമൂഹത്തിന് സംഘർഷത്തിൽ നിന്ന് സമാധാനത്തിലേക്ക് നീങ്ങാൻ ഒരു സ്‌നേഹ സ്‌പര്‍ശം ആവശ്യമാണ്. ഇതൊരു മാനുഷിക ദുരന്തമാണെന്നും ഈ സാഹചര്യത്തില്‍ സ്‌നേഹത്തിന്‍റെ ശക്തിയായി മാറുകയെന്നത് നമ്മുടെ ഉത്തരവാദിത്തമാണെന്നും വിദ്വേഷത്തെ ചെറുത്ത് തോല്‍പ്പിക്കേണ്ടത് കടമയാണെന്നും' കെസി വേണുഗോപാല്‍ കുറിച്ചു.
-
Sh. @RahulGandhi ji will be visiting Manipur on 29-30 June. He will visit relief camps and interact with civil society representatives in Imphal and Churachandpur during his visit.
— K C Venugopal (@kcvenugopalmp) June 27, 2023 " class="align-text-top noRightClick twitterSection" data="
Manipur has been burning for nearly two months, and desperately needs a healing touch so that the…
">Sh. @RahulGandhi ji will be visiting Manipur on 29-30 June. He will visit relief camps and interact with civil society representatives in Imphal and Churachandpur during his visit.
— K C Venugopal (@kcvenugopalmp) June 27, 2023
Manipur has been burning for nearly two months, and desperately needs a healing touch so that the…Sh. @RahulGandhi ji will be visiting Manipur on 29-30 June. He will visit relief camps and interact with civil society representatives in Imphal and Churachandpur during his visit.
— K C Venugopal (@kcvenugopalmp) June 27, 2023
Manipur has been burning for nearly two months, and desperately needs a healing touch so that the…
മണിപ്പൂര്‍ കലാപം പ്രതിരോധിക്കുന്നതില്‍ പ്രധാനമന്ത്രിയും കേന്ദ്ര സര്‍ക്കാറും പരാജയപ്പെട്ടുവെന്ന് പ്രതിപക്ഷം വിമര്‍ശനം ഉന്നയിക്കുന്നതിനിടെയാണ് രാഹുല്‍ ഗാന്ധിയുടെ സന്ദര്‍ശനം. ബിഹാറില്‍ ചേര്‍ന്ന പ്രതിപക്ഷ യോഗത്തില്‍ മണിപ്പൂര്‍ കലാപ വിഷയം ഉയര്‍ന്ന് വന്നിരുന്നു. ഇതേ തുടര്‍ന്നാണ് രാഹുല്‍ ഗാന്ധി കലാപ മേഖലകള്‍ സന്ദര്‍ശിക്കാന്‍ തീരുമാനമെടുത്തിരിക്കുന്നത്. പ്രധാനമന്ത്രി നരേന്ദ്രമോദി മണിപ്പൂര്‍ സന്ദര്‍ശിക്കാന്‍ തയ്യാറാകുന്നില്ലെന്ന് പ്രതിപക്ഷം വിമര്‍ശനം കടുപ്പിച്ചിട്ടുമുണ്ട്.
മണിപ്പൂരിലുണ്ടായ ആക്രമങ്ങളില്‍പ്പെട്ട് 100ലധികം പേരാണ് കൊല്ലപ്പെട്ടത്. സംസ്ഥാനത്തുണ്ടായ ഈ ആക്രമണത്തിന് കാരണം ബിജെപിയും ബിജെപിയുടെ "വിഭജന രാഷ്‌ട്രീയവും" ആണെന്ന് കോൺഗ്രസ് ആരോപിച്ചു.
സംഘര്‍ത്തിനിടെ യോഗവുമായി അമിത് ഷാ: ജൂൺ 24ന് കേന്ദ്ര ആഭ്യന്തര മന്ത്രി അമിത് ഷാ വിഷയവുമായി ബന്ധപ്പെട്ട് സർവകക്ഷി യോഗം വിളിച്ചിരുന്നു. ഈ യോഗത്തില്‍ നിരവധി പ്രതിപക്ഷ പാർട്ടികൾ വടക്ക് കിഴക്കൻ സംസ്ഥാനത്തേക്ക് സന്ദർശനവും ആവശ്യപ്പെട്ടിരുന്നു. മണിപ്പൂര്‍ മുഖ്യമന്ത്രി എന്‍ ബിരേണ്‍ സിങ്ങിനെ പുറത്താക്കണമെന്ന് പ്രതിപക്ഷം ആവശ്യപ്പെട്ടപ്പോള്‍ സമാജ്‌വാദി പാർട്ടി അടക്കമുള്ള ചില പാര്‍ട്ടികളുടെ നേതാക്കള്‍ സംസ്ഥാനത്ത് രാഷ്‌ട്രപതി ഭരണം ഏര്‍പ്പെടുത്തണമെന്ന ആവശ്യവും ഉന്നയിച്ചു.
പ്രധാനമന്ത്രി നരേന്ദ്ര മോദി മണിപ്പൂര്‍ കലാപത്തില്‍ മൗനം പാലിച്ചുവെന്നും യോഗത്തില്‍ വിമര്‍ശനം ഉയര്‍ന്നു. എന്നാല്‍ മോദി നേരിട്ട് പ്രശ്‌നത്തില്‍ ഇടപെടുന്നില്ലെന്ന് കരുതി അദ്ദേഹം അതില്‍ മൗനം പാലിക്കുകയാണെന്ന് അര്‍ഥമില്ലെന്ന് അമിത് ഷാ യോഗത്തില്‍ വിശദീകരിച്ചു. മണിപ്പൂര്‍ കലാപത്തെ കുറിച്ച് അദ്ദേഹം സ്ഥിതിഗതികള്‍ വിലയിരുത്തുന്നുണ്ടെന്നും വിഷയങ്ങള്‍ ആരായുന്നുണ്ടെന്നും അമിത്‌ഷാ പറഞ്ഞു. മണിപ്പൂരിൽ സമാധാനം പുനഃസ്ഥാപിക്കാൻ എല്ലാ ശ്രമങ്ങളും നടക്കുന്നുണ്ടെന്നാണ് യോഗത്തിന് പിന്നാലെ കേന്ദ്ര ആഭ്യന്തര മന്ത്രി അമിത് ഷാ അറിയിച്ചത്.
