ന്യൂഡൽഹി: കൊവിഷീൽഡിന്‍റെ രണ്ട് ഡോസുകൾക്കിടയിലുള്ള കാലാവധി കുറക്കാനുള്ള തീരുമാനം ഉടൻ നടപ്പാക്കില്ലെന്നും അതിനുള്ള ശാസ്ത്രീയ തെളിവുകൾ അധികൃതർ അവലോകനം ചെയ്യുമെന്നും കേന്ദ്ര സർക്കാർ വൃത്തങ്ങൾ അറിയിച്ചു.
സെറം ഇൻസ്റ്റിറ്റ്യൂട്ട് നിർമിക്കുന്ന വാക്സിന്‍റെ രണ്ട് ഡോസുകൾക്കിടയിലുള്ള കാലാവധി കുറക്കാമെന്ന് പബ്ലിക് ഹെൽത്ത് ഇംഗ്ലണ്ട് കണ്ടെത്തിയിരുന്നു. വിദഗ്ധരുടെ സൂക്ഷ്മ പരിശോധനക്ക് ശേഷം തീരുമാനം എടുക്കുമെന്നതിനാൽ പരിഭ്രാന്തരാകേണ്ട ആവശ്യമില്ലെന്ന് കേന്ദ്ര ആരോഗ്യ മന്ത്രാലയം അറിയിച്ചു.
Also Read: മുട്ടില്‍ മരംമുറി കേസ്; അന്വേഷണം തുടങ്ങിയതായി മന്ത്രി എ.കെ. ശശീന്ദ്രന്‍
ഇന്ത്യയിൽ, കൊവിഷീൽഡിന്‍റെ രണ്ട് ഡോസുകൾ തമ്മിലുള്ള അകലം 12മുതൽ 16 ആഴ്ചയായി വർദ്ധിപ്പിച്ചിരുന്നു. വാക്സിന്‍റെ ആദ്യ ഡോസിന്‍റെ ഫലപ്രാപ്തി കൂടുതൽ കാലം നിലനിൽക്കുമെന്നതിനാൽ രണ്ടാമത്തെ ഡോസിന് കാലതാമസം ആകാമെന്ന അന്താരാഷ്ട്ര പഠനങ്ങളെ അടിസ്ഥാനമാക്കിയാണ് കാലവധി വർധിപ്പിക്കുന്ന തീരുമാനം.
