കശ്‌മീരിൽ പൊലീസ് സംഘത്തെ തീവ്രവാദികള്‍ ആക്രമിച്ചു; ഒരു പൊലീസുകാരൻ കൊല്ലപ്പെട്ടു

പുംബേ മേഖലയിലെ ട്രാഫിക് നിയന്ത്രിക്കുമ്പോഴാണ് പൊലീസ് സംഘത്തിന് നേരെ വെടിവയ്പ്പുണ്ടാകുന്നത്.

ശ്രീനഗർ: കുൽഗാം ജില്ലയിലെ ഡി.എച്ച് പോറയിൽ പൊലീസ് സംഘത്തിന് നേരെ തീവ്രവാദികൾ നടത്തിയ വെടിവയ്പ്പിൽ ഒരു പൊലീസുകാരൻ കൊല്ലപ്പെട്ടു. കോൺസ്റ്റബിൾ നിസാർ അഹമ്മദ് ആണ് കൊല്ലപ്പെട്ടത്.

പുംബേ മേഖലയിലെ ട്രാഫിക് നിയന്ത്രിക്കുമ്പോഴാണ് തീവ്രവാദികൾ പൊലീസ് സംഘത്തിന് നേരെ വെടിവയ്ക്കുന്നത്. അക്രമികളെ കണ്ടെത്തുന്നതിനായി പൊലീസ് സംഘം മേഖല വളഞ്ഞു.