ന്യൂഡല്‍ഹി: കുടുംബക്കാരുടെ അനുമതിയില്ലാതെ കല്യാണം കഴിച്ച ദമ്പതികള്‍ക്കെതിരെ ആക്രമണം. ഏഴോളം പേർ ചേർന്ന് ദമ്പതികള്‍ താമസിക്കുന്ന വീട്ടിലെത്തി വെടിയുതിര്‍ത്തു. ആക്രമണത്തില്‍ ഭര്‍ത്താവ് മരിക്കുകയും ഭാര്യ ഗുരുതരമായി പരിക്കേറ്റ് ചികിത്സയിലുമാണ്.
also read: ദൃശ്യ കൊലപാതകം; പ്രതി വിനീഷ് ആത്മഹത്യക്ക് ശ്രമിച്ചു
ഡല്‍ഹിയിലെ ദ്വാരക സെക്ടർ 23 ലെ അംബർ ഹായ് ഗ്രാമത്തിലാണ് നാടിനെ ഞെട്ടിച്ച സംഭവം. വ്യാഴാഴ്‌ച രാത്രി ഒമ്പത് മണിയോടെയാണ് ആക്രമണമുണ്ടായത്. ദമ്പതികള്‍ വീടിനുള്ളിലായിരുന്നു. ഒരു വര്‍ഷം മുമ്പാണ് ഇവരും വിവാഹിതരായത്. അന്ന് മുതല്‍ ഇവരുടെ കുടുംബത്തില്‍ നിന്ന് പ്രശ്‌നങ്ങളുണ്ടായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്.
