ഹാവേരി: മാർഗദർശി ചിറ്റ്സ് ഫണ്ടിന്‍റെ ഇന്ത്യയിലെ 110-ാം ശാഖ കര്‍ണാടകയിലെ ഹാവേരിയില്‍ ആരംഭിച്ചു. കർണാടകയിലെ 23-ാമത് ശാഖ കൂടിയാണ് മാര്‍ഗദര്‍ശി ഹാവേരിയില്‍ തുടങ്ങിയത് (Margadarsi New Branch Opens). ശാഖയുടെ ഉദ്ഘാടനം മാർഗദർശി ചിറ്റ്സ് (കർണാടക) പ്രൈവറ്റ് ലിമിറ്റഡ് ഡയറക്‌ടർ ലക്ഷ്‌മണ റാവു നിർവഹിച്ചു.
ചിട്ടി സൗകര്യം ലഭിക്കുന്നതിനായി ഹാവേരിയിലെ പൗരന്മാരെ ക്ഷണിക്കുന്നു, തിങ്കളാഴ്‌ച (16.10.23) ആരംഭിച്ച ശാഖയ്ക്ക് 15 കോടി രൂപയുടെ ബിസിനസ് നടത്താൻ കഴിഞ്ഞുവെന്നും ഈ മാസം അവസാനത്തോടെ 20 കോടിക്കപ്പുറമുള്ള ബിസിനസ് നടത്താനാകുമെന്ന പ്രതീക്ഷയിലാണ് ശാഖയെന്നും അദ്ദേഹം പറഞ്ഞു. മൂന്ന് മാസത്തിനുള്ളിൽ ബിസിനസ് നേട്ടം കൈവരിച്ച ബ്രാഞ്ച് മാനേജർ കൊട്രപ്പ ബണക്കറിനെയും ജീവനക്കാരെയും റാവു അഭിനന്ദിച്ചു.
നിലവിൽ 25, 30, 40, 50 മാസത്തെ ചിട്ടി കാലാവധിയുള്ള പ്രതിമാസം 2,000 രൂപ മുതൽ 1 ലക്ഷം രൂപ വരെ സബ്‌സ്‌ക്രിപ്‌ഷനോടെ ഒരു ലക്ഷം രൂപ മുതൽ 25 ലക്ഷം രൂപ വരെയുള്ള ചിട്ടി ഗ്രൂപ്പ് മൂല്യങ്ങൾ ഹാവേരി ബ്രാഞ്ച് വാഗ്‌ദാനം ചെയ്യുന്നു. കർണാടകയിൽ 25 ശാഖകൾ കൂടി തുറക്കാനുള്ള മാർഗരേഖ തങ്ങളുടെ പക്കലുണ്ടെന്നും അവയിൽ രണ്ടെണ്ണം ഈ സാമ്പത്തിക വർഷത്തിൽ തുറക്കുമെന്നും അദ്ദേഹം പറഞ്ഞു. തീർച്ചയായും ഇത് നല്ലൊരു സമ്പാദ്യമാണ്. ചിട്ടി വളരാൻ അനുവദിക്കുകയും അവസാനം അത് പിൻവലിക്കുകയും ചെയ്‌താൽ അത് ഒരു സമ്പാദ്യമാകും.
റാമോജി റാവു, ഇടിവി എന്നിവയെക്കുറിച്ച് സ്‌കൂൾ, കോളേജ് കാലഘട്ടം മുതൽ കേട്ടിട്ടുണ്ട്. അവരുടെ സത്യസന്ധത എനിക്കറിയാമെന്ന്‌ ഒരു ഉപഭോക്താവ് പറഞ്ഞു. മാർഗദർശിയുമായി ഒമ്പത് വർഷമായുള്ള ബന്ധമാണ്‌. സമൂഹത്തിന്‍റെ വ്യത്യസ്‌ത ഭാഗങ്ങളിലുള്ളവര്‍ ഇത് പ്രയോജനപ്പെടുത്തുന്നു. അവരുടെ സമീപനം നല്ലതാണെന്നും അവരുടെ സേവനങ്ങൾ പ്രൊഫഷണലാണെന്നും തനിക്ക് ഈ കമ്പനിയിൽ വിശ്വാസമുണ്ടെന്നും മാർഗദർശിയുടെ ഉപഭോക്താവായി തുടരുമെന്നും വ്യക്തമാക്കി. 60 വർഷത്തിലേറെയായി മാർഗദർശി പ്രചാരത്തിലുണ്ട്. ഓഫിസിൽ എത്തുന്ന എല്ലാവർക്കും നല്ല അനുഭവമാണെന്നും ഉപഭോക്താവ് തന്‍റെ അനുഭവത്തിൽ നിന്ന് പറഞ്ഞു.
മാർഗദർശി ചിറ്റ്സ് ഫണ്ട് ആറു പതിറ്റാണ്ടുകൾക്ക് മുമ്പ് രൂപീകരിച്ചതാണ്‌. കൃത്യതയുള്ള ചിട്ടി ഫണ്ടുകൾ താരതമ്യേന അജ്ഞാതമായിരുന്ന സമയത്ത് ഇത് ആന്ധ്രാപ്രദേശിലെ ജനങ്ങൾക്ക് സന്തോഷകരമായ ജീവിതത്തിലേക്കുള്ള പാത അവതരിപ്പിച്ചു. റാമോജി ഗ്രൂപ്പ് ചെയർമാനായ റാമോജി റാവു 1962-ൽ മാർഗദർശി എന്ന ആശയത്തിന് തുടക്കമിട്ടു.
കാലക്രമേണ ചിട്ടി ഫണ്ടുകൾ ജനപ്രീതി നേടി. വ്യക്തികൾ ലാഭകരമായ സമ്പാദ്യത്തിനും ആകസ്‌മികമായ സമയങ്ങളിൽ ഫണ്ടുകളിലേക്കുള്ള പെട്ടെന്നുള്ള ലഭ്യതയും അനുയോജ്യമായ മാർഗമായി തിരിച്ചറിഞ്ഞു. ഇന്ന് മാർഗദർശി ദക്ഷിണേന്ത്യയിലെ മുൻനിര ചിട്ടി ഫണ്ട് കമ്പനിയായി നിലകൊള്ളുന്നു.
നിരവധി ചിട്ടി ഫണ്ട് കമ്പനികളുടെ ആവിർഭാവത്തിനിടയിലും, സത്യസന്ധമായ പ്രകടനം, പ്രൊഫഷണൽ സമഗ്രത, അസാധാരണമായ സേവന നിലവാരം, സമ്പൂർണ്ണ സാമ്പത്തിക അച്ചടക്കം തുടങ്ങിയ മൂല്യങ്ങൾ ഉയർത്തിപ്പിടിച്ചുകൊണ്ട് മാർഗദർശി അതിന്‍റെ നേതൃസ്ഥാനം നിലനിർത്തി. ഈ ശാശ്വത തത്വങ്ങൾ മാർഗദർശിയുടെ പ്രശസ്‌തി ഉറപ്പിക്കുകയും എപ്പോഴും മാറിക്കൊണ്ടിരിക്കുന്ന നിരകളില്‍ എതിരാളികളിൽ നിന്ന് അതിനെ വേർതിരിക്കുകയും ചെയ്‌തുവെന്ന് കമ്പനി പറഞ്ഞു.
