ദന്തേവാഡ: ഛത്തീസ്ഗഡിൽ സുരക്ഷാസേനയുമായുള്ള ഏറ്റുമുട്ടലിൽ മാവോയിസ്റ്റ് കൊല്ലപ്പെട്ടു. തലയ്ക്ക് അഞ്ച് ലക്ഷം രൂപ വിലയിട്ടിരുന്ന മാവോയിസ്റ്റ് സംഘത്തിലെ റാംസുവാണ് എന്നയാളാണ് മരിച്ചതെന്ന് ദന്തേവാഡ പൊലീസ് അറിയിച്ചു.
ദന്തേവാഡ ജില്ലയിലെ ഇന്ദ്രാവതി മേഖലയിൽ ജില്ലാ റിസർവ് ഗാർഡും (District Reserve Guard (DRG)) മാവോയിസ്റ്റുകളും തമ്മിലുണ്ടായ വെടിവയ്‌പ്പിനിടെയാണ് മാവോയിസ്റ്റ് കൊല്ലപ്പെട്ടത്.
വെടിവയ്പ്പ് നടന്ന സ്ഥലത്ത് നിന്ന് 7.62 എംഎം പിസ്റ്റളും അഞ്ച് കിലോ വരുന്ന ഐഇഡി ബോംബും (IED) കണ്ടെടുത്തു. കൂടുതൽ അന്വേഷണം നടന്നുവരുന്നുവെന്നും പൊലീസ് വ്യക്തമാക്കി.
