ബെംഗളുരു : സാമ്പാറിന് രുചിയില്ലെന്ന കാരണത്താൽ അമ്മയെയും സഹോദരിയെയും വെടിവച്ച് കൊലപ്പെടുത്തി യുവാവ്. ഉത്തര കർണാടകയിലെ ഡോഡ്‌മാനെ ഗ്രാമത്തിൽ ബുധനാഴ്‌ച രാത്രിയോടെയാണ് സംഭവം. 42കാരി പാർവതി നാരായണ ഹസ്‌ലർ, 19കാരി രമ്യ നാരായണ ഹസ്‌ലർ എന്നിവരാണ് മരിച്ചത്. സംഭവത്തില്‍ 24 കാരനായ മഞ്ജുനാഥ ഹസ്‌ലറെ പൊലീസ് അറസ്റ്റ് ചെയ്‌തു.
ALSO READ: രജിത കൂടുതൽ നടപടിക്കുള്ള തെറ്റ് ചെയ്തിട്ടില്ലെന്ന് ഐജി ഹർഷിത അട്ടല്ലൂരി
യുവാവ് മദ്യത്തിന് അടിമയാണ്. സാമ്പാറിന് രുചിയില്ലെന്ന് പറഞ്ഞ് ദേഷ്യപ്പെട്ട 24കാരന്‍ തോക്കെടുത്ത് ഇരുവർക്കും നേരെ വെടിയുതിർക്കുകയായിരുന്നു. സംഭവം നടക്കുമ്പോൾ യുവാവിന്‍റെ അച്ഛന്‍ വീട്ടിൽ ഉണ്ടായിരുന്നില്ല. ഇയാൾ മകനെതിരെ പൊലീസിന് മൊഴി നല്‍കിയിട്ടുണ്ട്.
