ഫരീദാബാദ് (ഹരിയാന): ഹരിയാനയിലെ ഫരീദാബാദില്‍ ഒന്നര വയസുള്ള പെണ്‍കുഞ്ഞിനെ ബലാത്സംഗം ചെയ്‌തതിന് അയല്‍വാസിയായ 40കാരന്‍ അറസ്റ്റില്‍. യുപി സ്വദേശിയായ ദേശ്‌രാജ് ആണ് അറസ്റ്റിലായത്. കുട്ടിയെ സമീപത്തെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
ബല്ലഭ്‌ഗഢിലുള്ള ഷാപൂര്‍ എന്ന സ്ഥലത്താണ് യുപി സ്വദേശിയായ പ്രതി താമസിച്ചിരുന്നത്. ഇതിന് സമീപത്താണ് ഒന്നര വയസുകാരിയുടെ വീട്. കുട്ടിയുടെ അമ്മ ജോലി കഴിഞ്ഞ് തിരികെ വീട്ടില്‍ എത്തിയപ്പോഴാണ് കുഞ്ഞിനെ ഇയാള്‍ ബലാത്സംഗം ചെയ്യുന്നത് കണ്ടത്.
യുവതി ബഹളം വച്ചെങ്കിലും ഇയാള്‍ ഓടി രക്ഷപ്പെടുകയായിരുന്നു. വിവിധയിടങ്ങളില്‍ പ്രതിക്ക് വേണ്ടി പൊലീസ് പരിശോധന നടത്തിയിരുന്നു. തുടര്‍ന്ന് ഇയാളെ കഴിഞ്ഞ ദിവസം പിടികൂടുകയായിരുന്നു. പ്രതിയെ ചോദ്യം ചെയ്യുകയാണെന്നും അടുത്ത ദിവസം കോടതിയില്‍ ഹാജരാക്കുമെന്നും പൊലീസ് അറിയിച്ചു.
Also read: പ്രായപൂർത്തിയാകാത്ത മകളെ ബലാത്സംഗം ചെയ്‌ത പിതാവ് പിടിയിൽ
