ഗുവാഹത്തി: പരീക്ഷണാടിസ്ഥാനത്തിൽ ഒരു മാസത്തേക്ക് ഗുവാഹത്തിയില്‍ മദ്യം ഓൺലൈനിൽ വിൽക്കാൻ തീരുമാനമെടുത്ത് അസം മന്ത്രിസഭ. ബുധനാഴ്ച നടന്ന യോഗത്തിന് ശേഷം മന്ത്രി പിജുഷ് ഹസാരികയാണ് ഇക്കാര്യം മാധ്യമങ്ങളെ അറിയിച്ചത്. ഇത് വിജയിച്ചാൽ സംസ്ഥാനം മുഴുവന്‍ വ്യാപിപ്പിക്കുമെന്നും മന്ത്രി പറഞ്ഞു.
ഇതോടൊപ്പം ദുരന്തബാധിത പ്രദേശങ്ങളിൽ ആശ്വാസം നൽകും. പിന്നോക്ക വിഭാഗങ്ങളിലെ കുട്ടികളുടെ വിദ്യാഭ്യാസം മെച്ചപ്പെടുത്തും. തേയിലത്തോട്ടങ്ങളിലും ഗ്രാമപ്രദേശങ്ങളിലും കഴിയുന്നവരുടെ ജീവിത നിലവാരം ഉയര്‍ത്തും. ഇതിനായുള്ള പ്രവര്‍ത്തനങ്ങള്‍ ഊര്‍ജിതമാക്കുന്നതിനുള്ള നടപടികള്‍ സ്വീകരിക്കുമെന്നും മുഖ്യമന്ത്രി ഹിമന്ത ബിശ്വ ശർമ പറഞ്ഞു.
ALSO READ: രാജ്യസഭ നേതാക്കളുടെ യോഗം വിളിച്ച് ഉപരാഷ്ട്രപതി വെങ്കയ്യ നായിഡു
