King of Kotha promotion: ഓണത്തിന് പ്രേക്ഷകര്‍ക്ക് മുമ്പിലെത്തുന്ന ദുല്‍ഖര്‍ സല്‍മാന്‍റെ (Dulquer Salmaan) 'കിംഗ് ഓഫ് കൊത്ത' (King of Kotha) റിലീസിനൊരുങ്ങുമ്പോള്‍ ചിത്രം വാര്‍ത്തകളിലും ഇടംപിടിക്കുകയാണ്. റിലീസിനോടടുക്കുന്ന സിനിമയുടെ പ്രൊമോഷന്‍ തിരക്കിലാണ് ദുല്‍ഖര്‍ ഉള്‍പ്പെടെയുള്ള താരങ്ങളും ടീം അംഗങ്ങളും. സിനിമയുടെ പ്രൊമോഷന്‍ പരിപാടികൾ ലോകവ്യാപകമായി നടക്കുകയാണ്.
KOK promotions on New York Time Square: മലയാള സിനിമയിൽ ഇതുവരെ കണ്ടിട്ടില്ലാത്ത വേറിട്ട പ്രൊമോഷൻ പരിപാടികളാണ് 'കിംഗ് ഓഫ് കൊത്ത'യുടെ ഭാഗമായി നടക്കുന്നത്. ഇപ്പോഴിതാ 'കിംഗ് ഓഫ് കൊത്ത'യുടെ പ്രൊമോഷൻ ന്യൂയോർക്കിലെ ടൈംസ് സ്‌ക്വയറിലും എത്തിയിരിക്കുകയാണ്. മലയാള സിനിമ ചരിത്രത്തില്‍ ഇതാദ്യമായാണ് ടൈംസ് സ്‌ക്വയറിൽ ഒരു സിനിമയുടെ പ്രൊമോഷൻ നടക്കുന്നത്.
- " class="align-text-top noRightClick twitterSection" data="">
King of Kotha ticket booking trending: സിനിമയുടെ അഡ്വാന്‍സ് ബുക്കിങ്ങും ആരംഭിച്ചിട്ടുണ്ട്. റിലീസിന് ഇനി ഏതാനും ദിവസങ്ങള്‍ ബാക്കി നില്‍ക്കെ ടിക്കറ്റ് വില്‍പ്പനയില്‍ ഗംഭീര ബുക്കിങ്ങാണ് ചിത്രത്തിന് ലഭിച്ചിരിക്കുന്നത്. ദുല്‍ഖര്‍ സല്‍മാന്‍റെ ഈ പാന്‍ ഇന്ത്യന്‍ ചിത്രം കേരളത്തില്‍ മാത്രം 1,044 ഷോകളില്‍ നിന്നും അഡ്വാന്‍സ് ബുക്കിങിലൂടെ ഒരു കോടിയിലധികം ടിക്കറ്റ് ഇതിനോടകം തന്നെ വിറ്റഴിച്ചു. ടിക്കറ്റ് വില്‍പ്പന ആരംഭിച്ചത് മുതല്‍ ബുക്ക് മൈ ഷോയില്‍ 'കിംഗ് ഓഫ് കൊത്ത' ട്രെന്‍ഡിങിലാണ്.
King of Kotha release: സംവിധായകന്‍ ജോഷിയുടെ മകന്‍ അഭിലാഷ് ജോഷിയുടെ ആദ്യം സംവിധാന സംരംഭം കൂടിയാണ് ഈ ചിത്രം. ബിഗ് ബജറ്റില്‍ ഒരുക്കിയിരിക്കുന്ന സിനിമ അഭിലാഷിന്‍റെ സ്വപ്‌ന പദ്ധതി കൂടിയാണ്. ഇന്ത്യയിലെ വ്യത്യസ്‌ത ഭാഷകളിൽ മികച്ച സിനിമകൾ നിർമ്മിച്ച സീ സ്‌റ്റുഡിയോസും ദുല്‍ഖര്‍ സല്‍മാന്‍റെ വേഫേറെർ ഫിലിംസും ചേര്‍ന്നാണ് സിനിമയുടെ നിര്‍മാണം. ഓഗസ്‌റ്റ് 24ന് ലോക വ്യാപകമായി ചിത്രം തിയേറ്ററുകളില്‍ എത്തും.
King of Kotha cast: ഐശ്വര്യ ലക്ഷ്‌മിയാണ് ചിത്രത്തില്‍ ദുല്‍ഖറുടെ നായികയായി എത്തുന്നത്. ഷമ്മി തിലകൻ, ശാന്തി കൃഷ്‌ണ, ചെമ്പന്‍ വിനോദ്, തമിഴ് താരം പ്രസന്ന, ഷബീർ കല്ലറക്കൽ, ഗോകുൽ സുരേഷ്, നൈല ഉഷ, അനിഖ സുരേന്ദ്രൻ, വടചെന്നൈ ശരണ്‍ തുടങ്ങി വൻ താര നിരയാണ് ചിത്രത്തില്‍ അണിനിരക്കുന്നത്.
King of Kotha crew: അഭിലാഷ് എൻ ചന്ദ്രനാണ് 'കിംഗ് ഓഫ് കൊത്ത'യുടെ തിരക്കഥ ഒരുക്കിയിരിക്കുന്നത്. നിമിഷ് രവിയാണ് ഛായാഗ്രഹണം. ശ്യാം ശശിധരൻ- എഡിറ്റിങ്. ജേക്‌സ്‌ ബിജോയ്, ഷാൻ റഹ്മാൻ എന്നിവർ ചേര്‍ന്നാണ് സംഗീതം ഒരുക്കിയിരിക്കുന്നത്. സംഘട്ടനം - രാജശേഖർ, പ്രൊഡക്ഷൻ കൺട്രോളർ - ദീപക് പരമേശ്വരൻ, കൊറിയോഗ്രാഫി - ഷെറീഫ്, മേക്കപ്പ് - റോണെക്‌സ്‌ സേവ്യർ, വസ്ത്രാലങ്കാരം - പ്രവീൺ വർമ, വിഎഫ്എക്‌സ്‌ - എഗ്ഗ് വൈറ്റ്, പ്രൊഡക്ഷൻ ഡിസൈനർ - നിമേഷ് താനൂർ, സ്‌റ്റിൽ - ഷുഹൈബ് എസ് ബി കെ, പിആർഒ - പ്രതീഷ് ശേഖർ എന്നിവരാണ് മറ്റ് അണിയറപ്രവര്‍ത്തകര്‍.
