മൈസൂരു : മെഗാ റോഡ് ഷോയ്ക്കിടെ, പ്രധാനമന്ത്രി നരേന്ദ്രമോദിയുണ്ടായിരുന്ന പ്രത്യേക വാഹനത്തിന് നേര്‍ക്ക് മൊബൈല്‍ ഏറ്. ഞായറാഴ്‌ച വൈകീട്ട് മോദി ബിജെപി പ്രവര്‍ത്തകരെ അഭിവാദ്യം ചെയ്ത് സഞ്ചരിക്കുകയായിരുന്ന വാഹനത്തിന് നേര്‍ക്കാണ് മൊബൈല്‍ ഏറുണ്ടായത്. വാഹനത്തിന്‍റെ മുന്‍ഭാഗത്ത് മൊബൈല്‍ പതിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്.
സുരക്ഷാവീഴ്ചയില്‍ പൊലീസ് അന്വേഷണം ആരംഭിച്ചു. കര്‍ണാടക നിയമസഭ തെരഞ്ഞെടുപ്പ് പ്രചരണാര്‍ഥം പ്രത്യേകം തയ്യാറാക്കിയ വാഹനത്തില്‍ സഞ്ചരിച്ചാണ് പ്രധാനമന്ത്രി മെഗാ റോഡ്‌ഷോയില്‍ പ്രവര്‍ത്തകരെ അഭിവാദ്യം ചെയ്തത്.
