ശ്രീനഗര്‍: കശ്‌മീരിലെ കുല്‍ഗാമില്‍ സുരക്ഷസേനയും ഭീകരരും തമ്മിലുണ്ടായ ഏറ്റുമുട്ടലില്‍ ഒരു ഭീകരനെ സൈന്യം വധിച്ചു. കുല്‍ഗാമിലെ മുനന്ദിലാണ് ഏറ്റുമുട്ടല്‍ ഉണ്ടായത്. ഇതോടെ ഈ വര്‍ഷം ഏറ്റുമുട്ടലുകളില്‍ കൊല്ലപ്പെട്ടത് 101 തീവ്രവാദികളാണെന്ന് പൊലീസ് പറഞ്ഞു.
പ്രദേശത്ത് തീവ്രവാദികളുടെ സാന്നിധ്യമുണ്ടെന്ന വിവരം ലഭിച്ചതിനെ തുടര്‍ന്ന് സുരക്ഷസേന നടത്തിയ തെരച്ചിലിനിടെയാണ് സൈന്യത്തിന് നേരെ ആക്രമണം ഉണ്ടായത്. തുടര്‍ന്ന് സൈന്യം തിരിച്ചടിക്കുകയായിരുന്നു. പ്രദേശത്ത് തെരച്ചില്‍ തുടരുന്നു.
ജൂലൈ 24 ന് ബന്ദിപോരയിലെ സൊക്‌ബാബ ഏറ്റുമുട്ടലില്‍ സൈന്യം രണ്ട് ഭീകരരെ വധിച്ചിരുന്നു. ഒരു സൈനികന് പരിക്കേല്‍ക്കുകയും ചെയ്‌തു.
Also Read: കാമുകിയെ നേടാൻ എസ്‌ഐ വേഷവുമായി 20കാരൻ; ഒറിജിനല്‍ പൊലീസ് പൊക്കി
