ന്യൂഡൽഹി: രാജ്യത്ത് 2,31,86,439 സെഷനുകളിലായി ഇതുവരെ വിതരണം ചെയ്‌ത കൊവിഡ് വാക്‌സിനേഷനുകൾ 188.40 കോടി (1,88,40,75,453) കവിഞ്ഞതായി കേന്ദ്ര ആരോഗ്യമന്ത്രാലയം അറിയിച്ചു. മാർച്ച് 16 ന് ആരംഭിച്ച 12-14 വയസ് പ്രായമുള്ളവർക്കുള്ള വാക്‌സിനേഷനിൽ 2.78 കോടിയിലധികം (2,78,64,432) പേർക്ക് ആദ്യ ഡോസും 49.86 കോടി (49,86,816) പേർക്ക് രണ്ടാമത്തെ ഡോസും നൽകിയതായും മന്ത്രാലയം കൂട്ടിച്ചേർത്തു.
അതേസമയം 15നും 18നും ഇടയിൽ പ്രായമുള്ള 5,83,09,299 പേർക്ക് ആദ്യ ഡോസും 4,18,99,185 പേർക്ക് രണ്ടാമത്തെ ഡോസും നൽകി. 18 മുതൽ 44 വയസ് വരെ പ്രായമുള്ളവർക്കിടയിൽ 1,23,173 പേർ മുൻകരുതൽ ഡോസുകൾ സ്വീകരിച്ചു. കൂടാതെ 45-59 വയസിനിടയിലുള്ളവർക്ക് 4,41,168 ഡോസും, 60 വയസിന് മുകളിലുള്ളവർക്ക് 1,46,72,888 ഡോസും മുൻകരുതൽ വാക്‌സിനുകൾ നൽകിയിട്ടുണ്ട്.
18നും 44നും ഇടയിൽ പ്രായമുള്ളവരിൽ ഇതുവരെ 55,56,27,071 പേർ ആദ്യ ഡോസും 47,71,00,613 പേർ രണ്ടാമത്തെ ഡോസും സ്വീകരിച്ചു. അതേസമയം 45നും 59നും ഇടയിൽ പ്രായമുള്ളവരിൽ 20,29,04,425 പേർ ആദ്യ ഡോസും 18,77,20,783 പേർ രണ്ടാമത്തെ ഡോസും സ്വീകരിച്ചു.
60 വയസിന് മുകളിൽ പ്രായമുള്ളവരിൽ 12,68,54,070 പേർക്ക് ആദ്യ ഡോസും 11,69,48,915 പേർക്ക് രണ്ടാമത്തെ ഡോസും നൽകിയതായും ആരോഗ്യമന്ത്രാലയം വ്യക്തമാക്കി. കഴിഞ്ഞ 24 മണിക്കൂറിനുള്ളിൽ 3,303 പുതിയ കൊവിഡ് കേസുകൾ കൂടി റിപ്പോർട്ട് ചെയ്‌തതോടെ ഇന്ത്യയിലെ ആകെ സജീവ രോഗികളുടെ എണ്ണം 16,980 ആയി.
ALSO READ: രാജ്യത്ത് കൊവിഡ് കേസുകള്‍ ഉയരുന്നു; 3303 പുതിയ രോഗികൾ
