ന്യൂഡൽഹി: രാജ്യത്ത് 46,617 പേർക്ക് കൊവിഡ് സ്ഥിരീകരിച്ചു. 24 മണിക്കൂറിൽ 853 കൊവിഡ് മരണവും രാജ്യത്ത് സ്ഥിരീകരിച്ചു. രാജ്യത്ത് ഇതുവരെ 3,04,58,251 പേർക്കാണ് കൊവിഡ് റിപ്പോർട്ട് ചെയ്‌തതെന്നും കേന്ദ്ര ആരോഗ്യ മന്ത്രാലയം അറിയിച്ചു. നിലവിൽ 5,09,637 പേരാണ് കൊവിഡ് ചികിത്സയിൽ കഴിയുന്നത്.
59,384 പേർ കൂടി കൊവിഡ് മുക്തി നേടിയതോടെ ഇതുവരെ 2,95,48,302 പേരാണ് കൊവിഡ് രോഗമുക്തരായത്. ഇതുവരെ 34,00,76,232 പേർ കൊവിഡ് വാക്‌സിനേഷൻ സ്വീകരിച്ചെന്നുമാണ് കണക്കുകൾ. വ്യാഴാഴ്ച ഇന്ത്യയിൽ 48,786 പേർക്കാണ് കൊവിഡ് സ്ഥിരീകരിച്ചത്. അതേ ദിവസം 1,005 കൊവിഡ് മരണവും രാജ്യത്ത് റിപ്പോർട്ട് ചെയ്‌തിരുന്നു.
