ന്യൂഡല്‍ഹി: കേന്ദ്ര ആരോഗ്യമന്ത്രി ഹര്‍ഷ് വര്‍ധനും ഭാര്യ നൂതൻ ഗോയലും കൊവിഡ് വാക്‌സിനിന്‍റെ രണ്ടാം ഡോസ് സ്വീകരിച്ചു. ചൊവ്വാഴ്ച ഡല്‍ഹിയിലെ ഹാർട്ട് ആൻഡ് ലംഗ് ഇൻസ്റ്റിറ്റ്യുട്ടിൽ എത്തിയാണ് വാക്‌സിന്‍ സ്വീകരിച്ചത്. മാര്‍ച്ച് രണ്ടാം തിയതിയാണ് ഇരുവരും ആദ്യ കുത്തിവയ്പ്പ് എടുത്തത്.
ഇന്ത്യയില്‍ മാര്‍ച്ച് 1 മുതല്‍ 60 വയസിന് മുകളിലുള്ളവര്‍ക്കും, 45 മുതല്‍ 59 വയസിന് ഇടയിലുള്ളവര്‍ക്കും പ്രതിരോധകുത്തിവയ്പ്പ് നല്‍കിത്തുടങ്ങിയിരുന്നു. എല്ലാവരും നിര്‍ബന്ധമായും പ്രതിരോധകുത്തിവയ്പ്പുകള്‍ സ്വീകരിക്കണമെന്ന് ഹര്‍ഷ് വര്‍ധന്‍ ആവശ്യപ്പെട്ടു. വാക്‌സിനുകളുടെ കാര്യത്തില്‍ യാതൊരു സംശയവും വേണ്ടെന്നും കൊവാക്സിനും, കൊവിഷീല്‍ഡും സുരക്ഷിതമാണെന്നും അദ്ദേഹം കൂട്ടിച്ചേര്‍ത്തു.
