'സ്മാര്‍ട്ട് വാച്ചുകളും ഇയര്‍ പോഡുകളും': ബ്ലൂടൂത്തിലൂടെ കാത്തിരിക്കുന്നത് 'എട്ടിന്‍റെ പണി'

ബ്ലൂടൂത്ത് ലക്ഷ്യമിട്ടുകൊണ്ട് മൊബൈൽഫോൺ ഹാക്ക് ചെയ്യുന്ന തീരി വ്യാപകമാകുന്നു. 'ബ്ലൂ ബഗ്ഗിങ്' എന്നാണ് ഈ ഹാക്കിങിനെ പറയുന്നത്.

കൈയിലെ ഡിജിറ്റൽ വാച്ചായാലും ചെവിയിൽ ഇയർ പോഡായാലും ഫോണുമായി ബന്ധിപ്പിക്കാൻ ബ്ലൂടൂത്ത് മതി. ഹാൻഡ്‌സ് ഫ്രീ സാങ്കേതികവിദ്യയുടെ ഭാഗമായി, വയർലെസ് സാങ്കേതികവിദ്യ ചെറുപ്പക്കാർ മുതൽ മുതിർന്നവർ വരെ വ്യാപകമായി ഉപയോഗിക്കുന്നു. അടുത്തിടെ ഇയർഫോണുകളും ഡിജിറ്റൽ റിസ്റ്റ് വാച്ചുകളും ലഭ്യമായതോടെ ബ്ലൂടൂത്തിന്‍റെ ഉപയോഗം ഗണ്യമായി വർധിച്ചിട്ടുണ്ട്.

എന്നാൽ, സൈബർ കുറ്റവാളികൾ അതിനെ ആയുധമാക്കുകയാണ്. 'ബ്ലൂ ബഗ്ഗിങ്' എന്നാണ് ഈ ഹാക്കിന്‍റെ പേര്. ബ്ലൂടൂത്ത് പ്രവർത്തനക്ഷമമാക്കിയ ഫോണുകൾ ലക്ഷ്യമിട്ടുകൊണ്ടാണ് 'ബ്ലൂ ബഗ്ഗിങ്' ഹാക്കിങ്. അതുകൊണ്ടുതന്നെ ജാഗ്രത പാലിക്കണമെന്ന് സൈബർ ക്രൈം പൊലീസ് മുന്നറിയിപ്പ് നൽകി. രാജ്യത്തുടനീളം കേസുകൾ രജിസ്റ്റർ ചെയ്യുന്നുണ്ടെന്നും പൊലീസ് അറിയിച്ചു.

എന്താണ് ബ്ലൂ ബഗ്ഗിങ്? സാധാരണയായി സന്ദേശങ്ങളിലൂടം ലിങ്കുകൾ പങ്കിട്ടുകൊണ്ടാണ് പോൺ ഹാക്ക് ചെയ്യാറുള്ളത്. എന്നാൽ ബ്ലൂ ബഗ്ഗിങിലൂടെ ലക്ഷ്യമിടുന്നത് ബ്ലൂടൂത്ത് ഓണായ ഫോണുകളെയാണ്. പൊതുസ്ഥലങ്ങളിൽ ആയിരിക്കുമ്പോൾ, 10 മീറ്റർ പരിധിക്കുള്ളിൽ ബ്ലൂടൂത്ത് ഓണാക്കിയിരിക്കുന്ന ഫോണുകൾ ഉപയോഗിച്ച് ബ്ലൂടൂത്ത് വഴി റിക്വസ്റ്റ് അയച്ച് ഫോണുമായി കണക്‌ട് ചെയ്യും. അവർ അവരുടെ ബ്ലൂടൂത്തിന്റെ പേര് ഫോണിന്റെയും മറ്റ് ആളുകൾ ഉപയോഗിക്കുന്ന മറ്റ് ഗാഡ്‌ജെറ്റുകളുടെയും കമ്പനിയുടെ പേരിലേക്ക് മാറ്റി കണക്റ്റുചെയ്യാനുള്ള അഭ്യർഥന അയക്കും.

ചിലതരം മാൽവെയറുകൾ സന്ദേശങ്ങളൊന്നും ലഭിക്കാതെ നമ്മുടെ ഫോണുകളിലേക്ക് രഹസ്യമായാണ് അയക്കപ്പെടുന്നത്. തുടർന്ന് ഫോണിന്‍റെ പൂർണ നിയന്ത്രണം ഏറ്റെടുക്കും. മാൽവെയർ അയക്കുന്നതിലൂടെ അവർ നമ്മുടെ ഫോണിലെ കോൺടാക്‌റ്റുകളും ഫോട്ടോകളും മറ്റ് പ്രധാന വിവരങ്ങളും കൈക്കലാക്കുകയും തുടർന്ന് ഭീഷണിപ്പെടുത്തുകയും ചെയ്യുന്നു. ഈ രീതി വിദേശരാജ്യങ്ങളിൽ വ്യാപകമായി ഉപയോഗിക്കുന്നു

ഇതൊക്കെയാണ് മുൻകരുതലുകൾ..!

• പൊതുസ്ഥലങ്ങളിൽ ആവശ്യമില്ലെങ്കിൽ ബ്ലൂടൂത്ത് ഓഫ് ചെയ്യണം
• തിരിച്ചറിയാത്ത ഉപകരണങ്ങളും അപരിചിതരും ബ്ലൂടൂത്ത് വഴി അയച്ച പെയറിങ് റിക്വസ്റ്റുകളോട് പ്രതികരിക്കരുത്
• ആവശ്യത്തിന് ശേഷം കണക്ട് ചെയ്‌തിരിക്കുന്ന ബ്ലൂടൂത്ത് ഉപകരണങ്ങളുമായി അൺപെയർ ചെയ്യുക
• ബസ് സ്റ്റാൻഡുകളിലും റെയിൽവേ സ്റ്റേഷനുകളിലും പൊതു ഇടങ്ങളിലും സൗജന്യ വൈഫൈ ഉപയോഗിക്കരുത്.
• ഡാറ്റയിലെ ഏറ്റക്കുറച്ചിലുകൾ നിരീക്ഷിക്കണം. അധിക സുരക്ഷയ്ക്കായി ഒരു വിപിഎൻ (VPN) ഉപയോഗിക്കുക

കുറ്റവാളികളുടെ പുതിയ വഴി...: സൈബർ കുറ്റവാളികൾ നിരന്തരം പുതിയ വഴികൾ തേടുകയാണ്. ബ്ലൂടൂത്തിന്റെ ഉപയോഗം ഗണ്യമായി വർധിച്ച പശ്ചാത്തലത്തിൽ കുറ്റവാളികൾ ഇത് അവസരമാക്കി ബ്ലൂബഗ്ഗിങ് നടത്തുകയാണ്. ഇത്തരം കേസുകൾ ഇല്ലെങ്കിലും ജനങ്ങൾ ജാഗ്രത പാലിക്കണമെന്ന് സൈബരാബാദ് സൈബർ ക്രൈം എ.സി.പി ജി.ശ്രീധർ പറഞ്ഞു.