ചെന്നൈ അന്താരാഷ്ട്ര വിമാനത്താവളത്തിൽ 14.12 ലക്ഷം രൂപയുടെ സ്വർണം പിടികൂടി

286 ഗ്രാം സ്വർണമാണ് യാത്രക്കാരനിൽ നിന്ന് കസ്റ്റം അധികൃതർ പിടിച്ചെടുത്തത്.ഫെയ്സ് ക്രീമുകളുടെ പായ്ക്കിലും നെയിൽ കട്ടറുകളിലുമായിട്ടാണ് സ്വർണം കടത്തിയത്.

ചെന്നൈ: ചെന്നൈ അന്താരാഷ്ട്ര വിമാനത്താവളത്തിൽ നിന്ന് സ്വർണം പിടിച്ചു. 14.12 ലക്ഷം രൂപ വിലമതിക്കുന്ന 286 ഗ്രാം സ്വർണമാണ് ഇന്ന് രാവിലെ ഇൻഡിഗോ എയർലൈൻസിൽ ദുബായിൽ നിന്ന് ചെന്നൈയിലെത്തിയ സയ്യിദ് നദീം റഹ്മാനിൽ(33) നിന്ന് പിടിച്ചത്. ഇയാളെ അറസ്റ്റ് ചെയ്തു.

ഫെയ്സ് ക്രീമുകളുടെ പായ്ക്കിലും നെയിൽ കട്ടറുകളിലുമായിട്ടാണ് സ്വർണം കടത്തിയത്.ഫെയ്സ് ക്രീം ബോക്സിൽ സ്വർണ പേസ്റ്റും നെയിൽ കട്ടറിൽ ചെറിയ സ്വർണ്ണ കഷ്ണങ്ങളും ഉദ്യോഗസ്ഥർ കണ്ടെത്തി.