അമരാവതി: ആന്ധ്രയില്‍ സാരി കഴുത്തില്‍ കുരുങ്ങി ബാലിക മരിച്ചു. ചിറ്റൂരിലെ ചിന്നഗോപാനപ്പല്ലേയില്‍ വീട്ടില്‍ കളിക്കുന്നതിനിടെയാണ് ശ്വേതയെന്ന ഒമ്പതുകാരി മരണപ്പെട്ടത്. തൊഴിലാളികളായ മൂര്‍ത്തിയുടെയും രമ്യയുടെയും നാല് പെണ്‍മക്കളില്‍ മൂത്തവളാണ് മരിച്ച ശ്വേത (9) . നാലാം ക്ലാസ് വിദ്യാര്‍ഥിയാണ്. സ്‌കൂളില്‍ നിന്നും വീട്ടിലെത്തി കളിക്കുന്നതിനിടെയാണ് അപകടം. സംഭവ സമയത്ത് വീട്ടില്‍ ആരുമുണ്ടായിരുന്നില്ല.
ബെംഗളൂരില്‍ ജോലി ചെയ്യുകയാണ് ശ്വേതയുടെ പിതാവ് മൂര്‍ത്തി. അമ്മ രമ്യ കുപ്പത്തെ വ്യവസായ കേന്ദ്രത്തിലും ജോലി ചെയ്‌തു വരികയാണ്. മുത്തശ്ശനൊപ്പമാണ് കുട്ടികള്‍ താമസിച്ചിരുന്നത്.
