ദേർ അൽ ബലാഹ് (ഗാസ മുനമ്പ്): ഇസ്രായേൽ ജയിലുകളിൽ ബന്ദികളാക്കിയ തീവ്രവാദികളെയും പലസ്‌തീൻകാരെയും വിട്ടയച്ചു (Israel Hamas war). ഹമാസ് പിന്നീട് 13 ഇസ്രായേലികളെയും നാല് തായ്‌ലൻഡുകാരെയും വിട്ടയച്ചപ്പോൾ ഇസ്രായേൽ 39 പലസ്‌തീൻ തടവുകാരെ മോചിപ്പിച്ചു (Egypt received lists for third exchange).
പതിറ്റാണ്ടുകളിലെ ഏറ്റവും മാരകമായ ഇസ്രായേൽ-പലസ്‌തീൻ അക്രമങ്ങളും ഗാസ മുനമ്പിൽ ഉടനീളമുള്ള വൻ നാശവും കുടിയൊഴിപ്പിക്കലും അടയാളപ്പെടുത്തിയ ഏഴ് ആഴ്‌ച യുദ്ധത്തിൽ ആദ്യത്തെ സുപ്രധാന വിരാമം കൊണ്ടുവന്ന കരാർ ഇസ്രായേൽ ലംഘിച്ചുവെന്ന് ഹമാസ് ആരോപിച്ചതിനെത്തുടർന്ന് ശനിയാഴ്‌ച (നവംബര്‍ 25) രണ്ടാമത്തെ കൈമാറ്റം മണിക്കൂറുകളോളം വൈകി. തങ്ങളുടെ ഉന്നത കമാൻഡർമാരിൽ ഒരാൾ കൊല്ലപ്പെട്ടുവെന്ന് ഹമാസ് പ്രഖ്യാപിച്ചു. ഇസ്രായേൽ സൈന്യം ഇക്കാര്യം സ്ഥിരീകരിച്ചു.
ഹമാസ് ബന്ദികളാക്കിയ 13 പേരുടെ പട്ടിക ഈജിപ്‌തിന് ലഭിച്ചിട്ടുണ്ടെന്നും ഇസ്രായേൽ മോചിപ്പിക്കുമെന്ന് പ്രതീക്ഷിക്കുന്ന 39 പലസ്‌തീൻകാരുടെ മറ്റൊരു പട്ടികയും ഹമാസ് പുറത്തുവിടുമെന്ന് ഈജിപ്ഷ്യൻ സ്റ്റേറ്റ് ഇൻഫർമേഷൻ സർവീസസ് ഡയാ റാഷ്വാൻ പറഞ്ഞു. വൈറ്റ് ഹൗസ് ദേശീയ സുരക്ഷാ ഉപദേഷ്‌ടാവ് ജേക്ക് സള്ളിവൻ ഒരു അമേരിക്കൻ ബന്ദിയെ ഞായറാഴ്‌ച മോചിപ്പിക്കുമെന്ന് വിശ്വസിക്കാൻ കാരണമുണ്ട് എന്നും ഒക്‌ടോബർ 7 ന് നടന്ന ഹമാസ് ആക്രമണത്തിൽ മാതാപിതാക്കൾ നഷ്‌ട്ടപ്പെട്ട 4 വയസ്സുകാരൻ അബിഗെയ്ൽ ഈഡൻ ആയിരിക്കുമെന്ന പ്രതീക്ഷയുണ്ടെന്നും എൻ‌ബി‌സിയുടെ വാര്‍ത്താസമ്മേളനത്തില്‍ പറഞ്ഞു. ഞായറാഴ്‌ച കഴിഞ്ഞ് പ്രധാനമന്ത്രി ബെഞ്ചമിൻ നെതന്യാഹുവുമായി പ്രസിഡന്‍റ്‌ ജോ ബൈഡൻ സംസാരിക്കുമെന്നും സള്ളിവൻ പറഞ്ഞു.
ഹമാസും മറ്റ് തീവ്രവാദ ഗ്രൂപ്പുകളും ദക്ഷിണ ഇസ്രായേലിലുടനീളം യുദ്ധത്തിന് തിരികൊളുത്തിയ അക്രമത്തിനിടെ 240 ഓളം പേരെ പിടികൂടി. 44 പേരെ മോചിപ്പിച്ചു, ഒരാളെ ഇസ്രായേൽ സൈന്യം മോചിപ്പിച്ചു, രണ്ട് പേരെ ഗാസയിൽ മരിച്ച നിലയിലും കണ്ടെത്തി. തങ്ങളെ തിരികെ കൊണ്ടുവരാൻ നെതന്യാഹു വേണ്ടത്ര ചെയ്‌തില്ലെന്ന് ചില ഇസ്രായേലികൾ ആരോപിച്ചു. ബന്ദികളാക്കിയവരുടെ കുടുംബങ്ങളിൽ നിന്നുള്ള സമ്മർദം രാജ്യത്തിന്‍റെ നേതാക്കൾ അഭിമുഖീകരിക്കുന്ന ധർമ്മസങ്കടത്തിന് ആക്കംകൂട്ടി.
യുദ്ധം 1,200 - ലധികം ഇസ്രായേലികളുടെ ജീവൻ അപഹരിച്ചു. പ്രാഥമിക ആക്രമണത്തിൽ ഹമാസ് കൊല്ലപ്പെട്ടവരിൽ ഭൂരിഭാഗവും സാധാരണക്കാരാണ്. ഹമാസ് ഭരിക്കുന്ന ഗാസയിലെ ആരോഗ്യ മന്ത്രാലയത്തിന്‍റെ കണക്കനുസരിച്ച് 13,300-ലധികം ഫലസ്‌തീനികൾ കൊല്ലപ്പെട്ടു. അതിൽ മൂന്നിൽ രണ്ട് ഭാഗം സ്‌ത്രീകളും പ്രായപൂർത്തിയാകാത്തവരുമാണ്. വെള്ളിയാഴ്‌ച ആരംഭിച്ച നാല് ദിവസത്തെ വെടിനിർത്തലിന് ഖത്തറും ഈജിപ്‌തും അമേരിക്കയും ഇടനിലക്കാരായിരുന്നു. ഹമാസ് കുറഞ്ഞത് 50 ഇസ്രായേലികളെയും ഇസ്രായേൽ 150 ഫലസ്‌തീൻ തടവുകാരെയും മോചിപ്പിക്കും. എല്ലാവരും സ്‌ത്രീകളും പ്രായപൂർത്തിയാകാത്തവരുമാണ്.
മോചിപ്പിക്കപ്പെടുന്ന ഓരോ 10 ബന്ദികൾക്കും ഒരു അധിക ദിവസം കൂടി ഉടമ്പടി നീട്ടാമെന്ന് ഇസ്രായേൽ പറഞ്ഞെങ്കിലും അത് അവസാനിച്ചു കഴിഞ്ഞാൽ ഉടൻ തന്നെ ആക്രമണം പുനരാരംഭിക്കുമെന്ന് പ്രതിജ്ഞയെടുത്തു.
ALSO READ: ഇസ്രയേൽ-ഹമാസ് ഏറ്റുമുട്ടലിനൊടുവിൽ നാല് ദിവസത്തെ വെടിനിർത്തൽ; 13 ബന്ദികളെ ഹമാസ് ഇന്ന് മോചിപ്പിക്കും
