കൂടല്ലൂര്‍ : ടിഎന്‍എസ്‌ടിസി ബസ് കാറിലിടിച്ച് നാല് പേര്‍ മരിച്ചു. കാര്‍ യാത്രികരായ മദിവണ്ണന്‍(35), കൗസല്യ(32), ദുരൈ(60), ധാവമണി(55) എന്നിവരാണ് മരിച്ചത്. തിട്ടക്കുടിയ്‌ക്ക് സമീപം ചെന്നൈ-ത്രിച്ചി ദേശീയ പാതയിലായിരുന്നു സംഭവം. അപകടത്തില്‍ കാര്‍ പൂര്‍ണമായും തകര്‍ന്നു.
അപകടത്തില്‍ ഗുരുതരമായി പരിക്കേറ്റ പെണ്‍കുട്ടിയെയും വൃദ്ധനെയും പൊലീസ് പേരാമ്പലൂര്‍ ആശുപത്രിയില്‍ പ്രവേശിപ്പിച്ചിരുന്നു. എന്നാല്‍ ആശുപത്രിയില്‍ ചികിത്സയിലിരിക്കെ പെണ്‍കുട്ടി മരണത്തിന് കീഴടങ്ങി.
മരിച്ചവര്‍ ഒരേ കുടുംബത്തിലുള്ളവരാണെന്ന് പൊലീസ് അറിയിച്ചു. സംഭവത്തില്‍ കേസ് രജിസ്‌റ്റര്‍ ചെയ്‌തിട്ടുണ്ടെന്നും അന്വേഷണം പുരോഗമിക്കുകയാണെന്നും ഉദ്യോഗസ്ഥര്‍ അറിയിച്ചു.
