രാജസ്ഥാൻ : അഞ്ച് വയസുകാരിയായ മകളെ പീഡിപ്പിച്ച പിതാവ്‌ അറസ്റ്റിൽ(Daughter raped By Father) രാജസ്ഥാനിലെ ജയ്‌സാൽമീറിലാണ്‌ നടുക്കുന്ന സംഭവം ഉണ്ടായത്‌. ശങ്കര പൊലീസ് സ്റ്റേഷൻ പരിധിയിലാണ്‌ സംഭവം. കുട്ടിയുടെ അമ്മയുടെ പരാതിയിലാണ് പിതാവിനെ പൊലീസ് പിടികൂടിയത് (Father Rapes Daughter).
സംഭവത്തെ കുറിച്ച്‌ പൊലീസ് പറയുന്നതിങ്ങനെ. ബുധനാഴ്‌ച (4-10-2023) പകൽ പിതാവിനെയും നാലും അഞ്ചും വയസുകളിലുള്ള പെൺകുട്ടികളെയും വീട്ടിലാക്കി കുട്ടിയുടെ അമ്മ പാടത്ത്‌ പണിയ്‌ക്ക്‌ പോയതായിരുന്നു. ഈ സമയത്താണ് പ്രതി കുട്ടിയെ ഉപദ്രവിച്ചത്‌. പിതാവ്‌ സഹോദരിയെ ഉപദ്രവിക്കുന്നത്‌ കണ്ട്‌ ഇളയ പെൺകുട്ടി പാടത്ത്‌ പണിയെടുക്കുന്ന അമ്മയോട് പോയി പറയുകയായിരുന്നു. സംഭവം അറിഞ്ഞെത്തിയ അമ്മ രക്തം വാർന്നൊഴുകുന്ന നിലയിൽ കുട്ടിയെ കണ്ടെത്തി.
കുഞ്ഞിനെ വിദഗ്‌ധ ചികിത്സയ്‌ക്കായി ബാർമ്മറിലേക്ക്‌ അയച്ചിരിക്കുകയാണ്‌. കുട്ടിയുടെ ആരോഗ്യ നില ഗുരുതരമായി തുടരുന്നു. സംഭവത്തെ കുറിച്ച്‌ വിശദമായ അന്വേഷണം നടത്തി വരികയാണ്‌ പൊലീസ്.
