ന്യൂഡൽഹി : രാജ്യതലസ്ഥാനത്ത് നിലവില്‍ 1,379 കൊവിഡ് രോഗികള്‍ മാത്രമാണ് ചികിത്സയില്‍ കഴിയുന്നതെന്നറിയിച്ച് ഡല്‍ഹി സര്‍ക്കാര്‍. ഫെബ്രുവരി 28 ന് ശേഷം ആദ്യമായാണ് 1500ന് താഴെയാകുന്നത്. 24 മണിക്കൂറിനിടെ 94 പേര്‍ക്ക് മാത്രമാണ് പുതുതായി കൊവിഡ് രോഗബാധയുണ്ടാവുന്നത്.
ആറ് മരണമാണ് ബുധനാഴ്ച റിപ്പോര്‍ട്ട് ചെയ്തതെന്ന് സർക്കാർ പുറത്തിറക്കിയ ആരോഗ്യ ബുള്ളറ്റിനില്‍ പറയുന്നു. 240 പേരാണ് രോഗമുക്തി നേടിയത്. ഇതോടെ ഭേദമായവരുടെ ആകെ എണ്ണം 14,07,832 ആയി.
ALSO READ: ഒരു മാസത്തിനിടെ 18 കൊലപാതകങ്ങള്‍ ; ചോരമണക്കുന്ന നാഗ്‌പൂര്‍
ഡല്‍ഹിയില്‍ ആകെ റിപ്പോര്‍ട്ട് ചെയ്തത് 14,34,188 കൊവിഡ് കേസുകളാണ്. ആകെ മരണം 24,977. 24 മണിക്കൂറിനിടെ 56,899 ടെസ്റ്റുകളാണ് നടത്തിയത്. 0.12 ആണ് ടെസ്റ്റ് പോസിറ്റിവിറ്റി നിരക്ക്.
