ചണ്ഡിഖഡിൽ 32 പേർക്ക് കൂടി കൊവിഡ്; 3 മരണം

കഴിഞ്ഞ 24 മണിക്കൂറിനിടെ 1,820 സാമ്പിളുകളാണ് ചണ്ഡിഖഡിൽ നിന്നും പരിശോധിച്ചത്.

ചണ്ഡിഖഡ്: നഗരത്തിൽ ജൂൺ 17ന് 32 പേർക്ക് കൂടി കൊവിഡ് സ്ഥിരീകരിച്ചതായി ആരോഗ്യ വകുപ്പ് അധികൃതർ അറിയിച്ചു. ഇതോടെ ചണ്ഡിഖഡിൽ ആകെ കൊവിഡ് ബാധിച്ചവരുടെ എണ്ണം 61,310 ആയി ഉയർന്നു.

കഴിഞ്ഞ 24 മണിക്കൂറിൽ 96 പേർ രോഗമുക്തരായി. ഇതോടെ ആകെ രോഗമുക്തരായവരുടെ എണ്ണം 60,076 ആയി. നിലവിൽ 432 പേരാണ് കൊവിഡ് ബാധിച്ച് ചികിത്സയിൽ കഴിയുന്നത്.

മൂന്ന് മരണങ്ങളാണ് നഗരത്തിൽ കൊവിഡ് മൂലമാണെന്ന് സ്ഥിരീകരിച്ചിട്ടുള്ളത്. ഇതോടെ ആകെ മരണസംഖ്യ 802 ആയി ഉയർന്നു. 24 മണിക്കൂറിനിടെ 1,820 സാമ്പിളുകളാണ് നഗരത്തിൽ നിന്ന് മാത്രം പരിശോധിച്ചത്.