കൊൽക്കത്ത: യാസ് ചുഴലിക്കാറ്റിനെ തുടർന്നുണ്ടായ നാശനഷ്‌ടങ്ങൾ വിലയിരുത്താൻ കേന്ദ്ര സംഘം പശ്ചിമ ബംഗാളിലെത്തും. ഏഴ്‌ പേരടങ്ങുന്ന സംഘമാണ് മൂന്ന് ദിവസത്തെ സന്ദർശനത്തിനായി പശ്ചിമ ബംഗാളിലെത്തുക. ആഭ്യന്തര മന്ത്രാലയത്തിലെ ജോയിന്‍റ് സെക്രട്ടറി എസ് കെ ഷാഹിയുടെ നേതൃത്വത്തിലുള്ള സംഘം ഞായറാഴ്‌ച 24 പർഗാനാസ് ജില്ലകളും തിങ്കളാഴ്‌ച പൂർബ മെഡിനിപൂരിലും സന്ദർശനം നടത്തും. തുടർന്ന് ജൂൺ ഒമ്പതോടെ ഉദ്യോഗസ്ഥർ ഡൽഹിയിലേക്ക് തിരിക്കുമെന്നാണ് റിപ്പോർട്ടുകൾ.
READ MORE: യാസ് ചുഴലിക്കാറ്റ് : ഒഡിഷയിൽ 610 കോടിയുടെ നാശനഷ്ടം
കേന്ദ്ര സംഘം 24 പർഗാനാസ് ജില്ലകളിൽ ഉദ്യോഗസ്ഥരുമായി യോഗം ചേരും. ധനകാര്യ വകുപ്പിലെ ഉദ്യോഗസ്ഥരുമായി കേന്ദ്ര സംഘം ചർച്ച നടത്തുമെന്ന് സർക്കാർ വൃത്തങ്ങൾ അറിയിച്ചു. യാസ് ചുഴലിക്കാറ്റിൽ ഇരു സംസ്ഥാനങ്ങളിലും കനത്ത നാശനഷ്‌ടമാണ് വരുത്തിയത്.
READ MORE:യാസ് : സംസ്ഥാനങ്ങൾക്ക് 3000 കോടി നൽകണമെന്ന് കോൺഗ്രസ്
